Tơkŭm mơđah tơbleăng inâi Đà Lạt – Lâm Đồng ing tơ’noăng phim
Thứ tư, 06:00, 15/11/2023
A Sa Ly tơplôu ƀă tơbleăng
A Sa Ly tơplôu ƀă tơbleăng
VOV4.Xơ Đăng - Môi măng tĭng nếo, a pơlê kong kơdrâm Đà Lạt kô păng ‘nâng tơkŭm po Tơ’noăng phim Việt Nam roh má 23. Kong pơlê Lâm Đồng ngăn kố cho tơdroăng ki kal, cho roh vâ pơlê kong kơdrâm mơđah tơbleăng um méa, tơmeăm ki ai hlâu, tơmeăm ki rơdêi dêi tơná troh ƀă tơmối ôm hyô.
Kuăn pơlê, mâu ngế ki ngăn dế pơtối hâk vâ tơdah ƀă ngăm mâu phim ki nếo ki má môi dêi um phim Việt Nam tung hneăng tơ’noăng phim roh má 23 tơkŭm poa Đà Lạt sap ing hâi lơ 21 troh lơ 25/11 la ngiâ.
Tiô pôa Phạm S, Kăn phŏ hnê ngăn Viƀan kong pơlê Lâm Đồng, Rơtế ƀă kăn pơkuâ Khu hnê mơhno Tơ’noăng phim Việt Nam roh má 23 roh apoăng pơlê kong kơdrâm tơkŭm po tơ’noăng phim, pơtối tro ƀă roh pơlê kong kơdrâm Đà Lạt ki phiu ro leh tơbâ 130 hơnăm mơjiâng ƀă mơnhông xua mê kô mơhnhôk hên tơmối troh lăm ngăn.
Kố cho roh tơ’lêi hlâu vâ kong pơlê Lâm Đồng tơbleăng troh tơmối, pú hmâ tung tơnêi têa ƀă lâp plâi tơnêi ‘na mâu tơmeăm ki ai hlâu, tơmeăm ki rơdêi dêi tơná, tung mê ai kơvâ um phim.
Viết bình luận