Kố cho môi tung mâu leh mơdĭng ki kân má môi lâp tơnêi têa. Leh mơdĭng Yên Tử pơxiâm ƀă tơdroăng rơkâu pâ tơnêi têa tơniăn lĕm kuăn pơlê hmiân tuăn ƀă mơhno tơdroăng ki krih tơviah Yên Tử.

Plâ tung pơla tơkŭm po leh mơdĭng kô ai mâu tơdroăng khôi túa lĕm tro ki má môi, môi tiah: Tơkŭm po mâu tơdroăng xah hêi tiô khôi vâi krâ nah; mơđah tơbleăng hơdruê xuăng tiô khôi vâi krâ nah a kơpong Làng Nương Yên Tử; Mơđah tơbleăng, tơbleăng um, um pơtâng tối, tơbleăng ‘na mâu ki kơnâ ƀă ki lĕm kân rơdâ, krih tơviah dêi Yên Tử; Châ hlo khôi túa lĕm ‘na kơchâi kâ dêi kuăn pơlê hdroâng kuăn ngo Dao Thanh Y pá kơdâm chêng ngo Yên Tử.

Leh pơxiâm po leh rơnó Hơngui Yên Tử cho tơdroăng khôi túa lĕm tro kum ăm tơdroăng kal vâ châ xúa khôi túa lĕm tro ‘na hiâm mơno dêi mâu râ kuăn pơlê, kum rak vế, pơ-ôu pơ-eăng, mơnhông ki kơnía ƀă mơđah tơbleăng um tíu ki lĕm mơnâ mâ ngăn Yên Tử troh tơmối tung tơnêi têa ƀă lâp plâi tơnêi.