VOV4.Xơ Đăng - Kơxo lơ 18/2, a Đường Sách cà phê Ƀuôn Ma Thuột, kong pơlê Dak Lak, tơkŭm po leh pơxiâm po mơđah tơbleăng um Ƀuôn Ma Thuột nah in a a loăng ing xiâm kơphế.

VOV4.Xơ Đăng - Kot mâ tung môi rơpŏng ki kro ‘na khôi túa, vêa vong dêi kuăn ngo, sap ing ối kŭn nah, pôa A Lip, mơngế Bơhnéa, ối thôn Groi, cheăm Glar, tơring Đăk Đoa, kong pơlê Gia Lai hiăng ‘nâi tŏn chêng, pro têng nêng, pong rơgí pro um loăng ƀă ‘mâi idrâp chêng tri tróu. maluâ hơnăm hiăng krâ, pôa xuân rêm hâi kơhnâ khât tung hnê tối tŏn chêng koăng, hnê rêi têng nêng ăm rơxông ối nếo. Ing mê, veăng kum rak vế, chôu ‘măn tơmeăm khoăng, chêng koăng, khôi túa lĕm tro dêi hdroâng Bơhnéa.

VOV4.Xơ Đăng - Kơmăng hâi lơ 16/2, Khu chêh hlá tơbeăng kong pơlê Kon Tum pơxiâm po Leh mơđah hlá tơbeăng rơnó Hơngui Giáp Thìn hơnăm 2024. Tơbleăng tơdroăng cheăng pêi a Tíu mơđah tơbleăng um tơmeăm kong pơlê Kon Tum troh tâi hâi lơ 19/2.

VOV4.Xơ Đăng - Mâu hâi ki kố a mâu cheăm, tơring tung kong pơlê Dak Lak dế pêi pro hên tơdroăng mơhno ki lĕm tro, mơdĭng dêi mâu hdroâng kuăn ngo vâ pro chiâng um méa hên mơngiơk túa lĕm tro kơpong tơnêi dêi Tây Nguyên.

VOV4.Xơ Đăng - Ƀuôn Akŏ Dhông cho pơlê dêi mơngế Rơđế ki lĕm krê dêi pơlê kong kơdrâm Ƀuôn Ma Thuột, kong pơlê Dak Lak. A kố ai Arul House cho môi khu rơpŏng hngêi ối a tíu tơbleăng mơhno kế tơmeăm túa lĕm tro dêi Rơđế ki krip phá xêh tơ-ê. Tíu kố ai hên tơdroăng mơhno tối ‘na mâu khế hơnăm ton nah; kong kế, ngo ngối ƀă tơdroăng rêh ối dêi kuăn pơlê mơngế Rơđế. Troh ƀă Akŏ Dhông cho trâm mâ ƀă hmâng vâ ‘nâi dêi mơngế ki hâk vâ ‘na túa lĕm tro ton nah dêi Tây Nguyên.

VOV4.Xơ Đăng - Hâi lơ 15/2, a cheăm Čư Prŏng, Vi ƀan tơring Ea Kar, kong pơlê Dak Lak pơxiâm po Hâi leh khôi túa lĕm tro mâu hdroâng kuăn ngo tơring Ea Kar roh má III.

VOV4.Xơ Đăng - Kơxê lơ 14/2, cho hâi má 5 Têt, pơlê kong kơdrâm Đà Lạt, Lâm Đồng pơtối mơhnhôk hên tơmối ôm hyô troh lăm ôm hêi, pơtê pơto. Mơdêk kơxô̆ tơmối troh tung rơnó Hơngui Giáp Thìn 2024 kố tâk vâ chê 62% tâng pơchông ƀă roh kố hơnăm nah.

VOV4.Xơ Đăng - Dak Nông cho kơpong tơnêi ki ai hên khôi túa, vêa vong túa lĕm tro hiăng châ kong kế, ngo ngối kơjo kum ăm hên tơdroăng ki krip lĕm, hên tíu ki tơdrŏm hiăng châ UNESCO vêh mơnhên tối cho Tíu ôm hyô Tơnêi hmốu Lâp plâi tơnêi. Mâu tơmeăm khoăng ki ai tơ’lêi hlâu mê dế châ kong pơlê Dak Nông xúa, pơtối mơdêk ăm tơdroăng mơnhông pêi cheăng kâ pơlê pơla tiô túa ki krá tơniăn.

VOV4.Xơ Đăng - Tơdah Rơnó Hơngui dêi mơngế Tây Nguyên lơ ối khĕn cho “Tĭng kâ báu nếo” cho mơdĭng ki mơngế Tây Nguyên tơkŭm po klêi kơ’nâi hiăng poê xo klêi tâi tâng mâu kế tơmeăm pêt a chiâk klâng, tơdah hơnăm nếo. Tung rơnó kố, rêm rơpŏng hngêi pơrá djâ dêi báu vêh a hơpăm ƀă tơdah mơhúa báu vêh a hngêi, tơdrêng a mê hlối tơkŭm po tĭng kâ báu nếo vâ mơnê xeăng plêng tơnêi, xeăng báu, jâ pôa hiăng ăm môi rơnó châ báu hên ƀă rơhêng vâ môi rơnó ki nếo ai hên tung hngêi.

VOV4.Xơ Đăng - Kuât cho môi toăng hngêi ki krih tơviah, lĕm ro má môi dêi hên hdroâng kuăn ngo a kơpong Tây Nguyên. Vâ Kuât chiâng tơmeăm ki kơnía dêi chal vâi krâ nah đi đo ối ƀă pơlê pơla, tơdrêng ƀă tơdroăng tŏng kum dêi Đảng, Tơnêi têa ƀă rêm mâu khu râ, mê tơná kong pơlê, tơring, cheăm ối kal ai mâu vâi krâ ki rơkê, hlê plĕng vâ pơtối rak vế Kuât. Tơdroăng ki vêh mơdâng pro Kuât tiô khôi hmâ dêi mơngế Rơteăng a pơlê Đăk De, cheăm Rờ Kơi, tơring Sa Thầy, kong pơlê Kon Tum cho vâ pơtih.