VOV4.Xơ Đăng - Kơxo 10/4, Vi ƀan tơring Đăk Đoa, kong pơlê Gia Lai vêh pro Mơdĭng rơkâu pâ kong mêi dêi hdroâng kuăn ngo Bơhnéa a pơlê Hnap.

VOV4.Xơ Đăng - Hâi lơ 9/4, Mơdĭng xối tơbâ Đền Hùng, Măng tĭng Túa lĕm tro - Ôm hyô Tơnêi xiâm jâ pôa ton nah 2024 pơxiâm po ƀă hên tơdroăng mơhno túa lĕm tro, tiô tối hdrối kô tơ’mot hên tơmối troh ngăn.

VOV4.Xơ Đăng - Cheăng tĕn hmôu jiâ cho tơdroăng cheăng ki hiăng ai sap ing chal jâ pôa nah, hiăng hmâ ƀă tơdroăng rêh kâ ối, túa lĕm tro dêi hdroâng Jarai ƀă Bơhnéa a kong pơlê Gia Lai. Kong pơlê Gia Lai dế ai hên túa cheăng ki rơkê tung tơdroăng cheăng vâ pơtối mơdêk ƀă po rơdâ ki kơnía git lĕm tro dêi hmôu jiâ, ếo pơtâk, ing mê, mơjiâng chiâng tơdroăng ki nếo tung mơnhông pêi cheăng kâ hnối pêi adrêng ƀă tơdroăng ôm hyô.

VOV4.Xơ Đăng - Tơdroăng ki kal khât koh phiu roh leh tơbâ 70 hơnăm ƀlêi trâng Điện Biên Phủ.

VOV4.Xơ Đăng - Kâng ga ai pơxúa kân khât tung tơdroăng rêh kâ ối, ƀă ôh tá păng lôi tung hên leh mơdĭng dêi mơngế Tây Nguyên. Ƀă mơngế Mạ a kong pơlê Lâm Đồng, kâng cho ki xiâm vâ ăm khu xeăng chu troh, môi tơdroăng ki kal kân khât tung mâu roh leh mơdrĭng, málối tung tĭng kâ kơpôu.

VOV4.Xơ Đăng - Peăng xêi hâi lơ 5/4, a Hà Nội, Khu hnê mơhno cheăng xiâm Tơnêi têa tơrŭm ƀă Khu xiâm ngăn ‘na Túa lĕm tro-Tơ’noăng Ivá ƀă Ôm hyô tơkŭm po roh Hôp pơcháu hnoăng cheăng ƀă Khu tơrŭm mâu Hội Văn học nghệ thuật Việt Nam ƀă Hội Văn học Nghệ thuật hmâ cheăng dêi Tíu xiâm 3 khế apoăng hơnăm 2024.

VOV4.Xơ Đăng - Tơdroăng ki pêi pro hơniâp ro tung tơdroăng Hâi Hlá mơ-éa ƀă Túa lĕm tro pơchuât Việt Nam rôh má 3 a kong pơlê Dak Lak hiăng pơxiâm tơbleăng a kơxo lơ 5/4.

VOV4.Xơ Đăng - Mơngế Bơhnéa ai khôi túa xo ŏng mế tiô khôi vâi krâ roh nah, ƀă mâu túa tơlá ki krê xêh ƀă hơniâp ro, pơtối kal châ rak vế. Tung pơla mê, mâu hdroâng kuăn ngo ki ê a Tây Nguyên tiô kơ peăng ngế kơdrâi cho ki xiâm vâ êng, diâp tơmeăm, pơla mê mơngế Bơhnéa hmâ rak dêi vêa “Peá pâ” ki rơtế pôu râng, tơkéa vâ tối péa pâ rơpŏng hngêi peăng kơnốu ƀă peăng kơdrâi rơtế ‘no ivá, tơmeăm khoăng vâ pêi pro tơdjuôm a hâi pơkoăng ŏng mế. Kố cho khôi túa lĕm tro ki krê xêh, mơngế Bơhnéa hiăng hmâ rak vế dêi hiăng châ to lâi chal mơngế mê hía nah.

VOV4.Xơ Đăng - Kơmăng hâi lơ 28/3, a pơlê krâm Bình Thạnh, Pơlê kong kân Hồ Chí Minh hiăng pơxiâm po “mơdĭng mơhno túa lĕm tro pế pơchên kế kâ, pro têa ôu ing mâu kơpong tung lâp tơnêi têa châ djâ troh vâ ăm kuăn pơlê kâ ôu.

VOV4.Xơ Đăng - Tung to lâi hơnăm vêh ngi kố, malối cho ing klêi kơ’nâi ai pơreăng COVID-19, ôm hyô pơlê pơla Dak Lak hiăng rế hlo mơnhông tơƀrê.