Séa ngăn hneăng hôp má 7, Kuô̆k hô̆i hneăng má 15, kơdrâm kuăn pơlê a Gia Lai, ki má lối cho kuăn pơlê kơpong hdroâng kuăn ngo tơmâng troh roh kơ-êng ƀă tiâ rơkong kơ-êng dêi pôa Nguyễn Văn Hùng, Ngế xiâm pơkuâ Khu xiâm khôi túa lĕm tro, Tơ’noăng ivá ƀă Ôm hyô.
Kuăn pơlê pói vâ kơvâ khôi túa lĕm tro kô pro tơ’lêi hlâu, troăng kum vâ mơnhông khôi túa lĕm hdroâng kuăn ngo, mơnhông ôm hyô mơdêk tơdroăng rêh ối ăm kuăn pơlê. Kuăn pơlê inâi H’Uyên ối a tơring Chư Păh, kong pơlê Gia Lai tối:
“Klêi kơ’nâi hneăng hôp á pói vâ Kuô̆k hô̆i tơmâng hên tâ mê nếo ‘na rak vế khôi túa lĕm tro hdroâng kuăn ngo kong pơlê Gia Lai, kơpong kuăn pơlê hdroâng kuăn ngo. Rak vế mâu khôi túa lĕm tro môi tiah mâu kuât thế châ pro tro tiô pơkâ, mâu tơdroăng teăn ếo pơtâk ƀă mâu tơdroăng teăn tơmeăm ƀă kŏng, vêh bro mâu leh mơdĭng dêi hdroâng kuăn ngo a tíu kố vâ la ngiâ rơxông ối nếo kô hlê plĕng hên tâ ƀă rak troh la ngiâ dêi rơxông hơnăm ối nếo la ngiâ ah’’.
Viết bình luận