Tiô Khu pơkuâ ‘na Khôi túa lĕm tro, Tơ’noăng ivá ƀă Ôm hyô Dak Lak, tung roh pơtê leh mơjiâng tơnêi têa hơnăm kố, mâu tíu troh lăm hêi, ôm hyô a kong pơlê hiăng tơdah dâng 130.000 roh tơmối, tung mê ai dâng 2.500 roh tơmối lâp plâi tơnêi. Tâi tâng kơxô̆ tơmối ối koi măng châ 75.000 roh, tơdroăng xúa kơbong koi dâng 70%. Tâi tâng pêi lo liăn ing ôm hyô roh pơtê leh cho dâng 85 rơtal liăn.

Tá kơxô̆ tơmối xah hêi, kơxô̆ tơmối ối pơtê koi măng ƀă tơmối lâp plâi tơnêi a kong pơlê hơnăm kố pơrá tâk châ 2 – 3 xôh tâng pơchông ƀă roh kố hơnăm 2023. Jâ Nguyễn Thụy Phương Hiếu, Kăn phŏ pơkuâ Khu pơkuâ ‘na khôi túa lĕm tro, Tơ’noăng ivá ƀă Ôm hyô Dak Lak tối ăm ‘nâi, tung roh leh Mơjiâng tơnêi têa hơnăm kố a kong pơlê tơkŭm po hên tơdroăng mơhno khôi túa lĕm tro, ôm hyô. Ing mâu tơdroăng pêi kố, Dak Lak hiăng mot mơjiâng châ mơjiâng um méa ôm hyô ki lĕm, mơhnhôk tơmối troh ôm hyô.