Mâu tơdroăng pêi pro xah hêi a rôh xối pleăng châ kơdroh, ‘măn  liăn vâ gum kuăn pơlê ki xơpá tơkâ luâ kong prâi pro ôh tá tơniăn. Xối pleăng  rơnó rơxăm cho môi tơdroăng xối mơhno túa lĕm tro ton nah châ tơkŭm po a rôh Trung thu rêm hơnăm a Đình Lạc Giao, tíu xối pleăng Ngế xiâm ki apoăng po văng tơnêi tíu xeăng Đào Duy ing jâ pôa rôh nah hiăng ai hnoăng mơjiâng pơlê Lạc Giao - pơlê ki apoăng dêi mơngế Xuăn a kơpong  tơnêi Dak Lak.

Xối pleăng mê châ pro krip xua khu  xối cho mâu ngế ki hiăng hên hơnăm, mâu ngế kuăn pơlê pâ nhoăm, rơkê tung tơdroăng xối pleăng. Xối pleăng rơnó rơxăm cho tơdroăng xối pleăng mơnê kơ xeăng  plêng tơnêi, mơnê kơ mâu xeăng, tŭm túa mâu xeăng, mâu jâ pôa pin rôh nah hiăng   veăng gum ăm kong mêi tro tô ‘ló, châ xo hên kế tơmeăm. Tung ƀai xối pleăng hơnăm kố ai môi tơdroăng kal thế rĕng tơkâ luâ xơpá khía mơhot têa rơlêa, kuăn pơlê rĕng chêh vêh rêh ối tơniăn tiah hmâ.