A Rôh hôp, pôa Nguyễn Thiên Văn, Kăn phŏ hnê ngăn Vi ƀan kong pơlê Dak Lak tối tơbleăng ‘na ki ai hlâu, ki rơdê dêi ôm hyô Dak Lak. Ki xiâm tung mê cho mâu tour ôm hyô hmâ a chê ƀă rui, ôm hyô ki rơ-iêo, ôm hyô pơlê pơla châ pêi mơnúa ngăn túa lĕm tro mâu hdroâng kuăn ngo a kố. Kăn teăng mâ Ấn Độ a pơlê kong kân Hồ Chí Minh, pôa Madan Mohan Sethi ăm ‘nâi: Khu mơdró kâ Ấn Độ hiăng ƀă dế ai rôh trâm mâ, pơkâ mơdêk ôm hyô a hên kong pơlê, pơlê kong kân a Việt Nam.
Pôa Madan Mohan Sethi tơngah kô mơjiâng châ mâu tơdroăng pêi pro krá tơniăn tung tơrŭm cheăng pơla 2 tơnêi têa tối tơdjuôm, pơla kong pơlê kan Kerla ƀă mâu kong pơlê, pơlê kong kân dêi Việt Nam tối krê. Drêng kố, teăng mâ dêi péa pâ hiăng kĭ 11 kơtâ hlá mơ-éa chôu vế tơrŭm tung kơvâ rak ngăn tơmối ƀă ối pơtê.
Viết bình luận