VOV4.Xơ Đăng - Kơxê lơ 25/1, a cheăm Ea Kao, pơlê kong kơdrâm Ƀuôn Ma Thuột, Khu pơkuâ ‘na Túa lĕm tro, tơ’noăng ivá ƀă Ôm hyô Dak Lak tơkŭm po mơgêi lâm hnê mơhno ƀă mơhno mâ Kâu lăk ƀô̆ khôi túa lĕm tro vâi krâ nah hdroâng kuăn ngo Tày, Nùng, Mường cheăm Ea Kao.

VOV4.Xơ Đăng - ‘’Pơtối tơdjêp, tơrŭm cheăng, ki rơhêng vâ tối cho tơdjêp kơpong, mơjiâng hên tơmeăm nếo tung ôm hyô vâ mơdêk mơhnhôk tơmối, mơnhông ôm hyô’’. Kố cho mâu pơkâ pêi ki Khu tơrŭm pêi ôm hyô Dak Lak pơkâ mơ’no a hneăng hôp roh má 4, hneăng hơnăm 2024 – 2029 tơkŭm po kơxê 23/1 a Ƀuôn Ma Thuột.

VOV4.Xơ Đăng - Tơring kong ngo A Lưới, kong pơlê Thừa Thiên Huế cho kơpong ki ai hên hnoăng cheăng kăch măng. A Lưói đi đo rak vế mâu tơmeăm khoăng, mâu tơdroăng ki ai roh ton nah ‘na túa lĕm tro, tơmeăm khoăng ki ai tơdjâk ing tơplâ tơplong roh nah. Pêi pro tiô hnoăng cheăng xiâm tơnêi têa Mơnhông pêi cheăng kâ - rêh ối tung kơpong pơlê cheăm hdroâng kuăn ngo ki iâ mơngế - cho Tơdroăng 1719, tơring A Lưới hiăng ai hên ivá cheăng ki kơdo mơ-eăm rak vế, chôu ‘măn, pơtối mơdêk ki kơnía lĕm tro tiô khôi hmâ rôh nah.

VOV4.Xơ Đăng - Tung kơxô̆ 29 to tơmeăm ki kơnía dêi tơnêi têa nếo châ mơnhên tiô Pơkâ dêi Ngế pro xiâm hnê ngăn Chin phuh hâi lơ 18/1 pơla hdrối kố nah, ai môi to tơmeăm ki kơnía nôkố dế châ rak vế a Tíu ‘măn rak kế tơmeăm khoăng kong pơlê Dak Lak. Mê cho ‘’Tăng tơkŭm mâu chông hmốu Thác Hai’’, ki ai kơtăn kố 3.000 – 4.000 hơnăm.

VOV4.Xơ Đăng - Kơxo hâi lơ 19/1, a pơlê kong kơdrâm Ƀuôn Ma Thuột, Hngêi ‘măn rak kế tơmeăm Dak Lak tơrŭm cheăng ƀă Hngêi ‘măn rak kế tơmeăm ‘na chêh kơchuâ um Việt Nam hiăng tơkŭm po roh mơđah um kơchuâ tiô chal vâi krâ nah Việt Nam.

VOV4.Xơ Đăng - Rơkâu xối xeăng kleăng kơneăng têa cho khôi hmâ sap nah dêi mơngế Jarai a kong pơlê Gia Lai. Ƀă mơngế Jarai, têa kơneăng ti xê to tíu ki vâ tơkŭm lăm hnêng têa, tíu ki vâi krâ-nhŏng o vâ trâm tơpui tơno klêi kơ’nâi môi hâi pêi cheăng tơbrê tơbrêh, mê ối cho tuăn mơno hlê plĕng dêi pơlê pơla tung kring vế, rak ngăn kong kế, rak vế ngăn xiâm têa krúa lĕm, rơngiâp hngíu dêi pơlê pơla.

VOV4.Xơ Đăng - Mơngế Rơđế cho tiô pá vâi kơdrâi ki pơkuâ ngăn xiâm tung on veăng, rơpŏng hngêi, xua mê, tơdroăng mơjiâng on veăng hmâ cho ing peăng vâi kơdrâi ki pro. Peăng hngêi kơdrâi athế pôu râng tâi tâng mâu tơmeăm khoăng ki vâ rơkâu ŏng mê, peăng hngêi kơnốu cho ing peăng ki pâ tơmeăm drêng peăng ngế kơdrâi lăm êng, peăng hngêi kơdrâi athế ăm tơmeăm khoăng. Ngế mế kô xo ngế dôh vêh tơdjuôm peăng hngêi nôu pâ peăng mế, la hdrối vâ châi hngêi, ngế kơdrâi xuân athế lăm ối peăng hngêi kơnốu, malối hdrối vâ pơkoăng xo dêi pó păng ‘nâng. Kố cho môi tung mâu khôi túa, vêa vong ki lĕm tro tung xon veăng, mơjiâng ŏng mế dêi mơngế Rơđế.

VOV4.Xơ Đăng - Kơxê lơ 4/1, a Hà Nội, Rơ’jíu Việt Nam tơkŭm po Hneăng hôp mơgêi tơdroăng pêi cheăng hơnăm 2023, pêi pro 15 hnoăng cheăng tung hơnăm 2024.

VOV4.Xơ Đăng - A pơlê kong kơdrâm Đà Lạt, kong pơlê Lâm Đồng nêó tơkŭm po leh tơbâ 130 hơnăm Đà Lạt mơjiâng ƀă xông tơƀrê ƀă tơdah xo inâi pơlê kong kơdrâm ‘nâi hriê̆n plĕng tơdroănng ki nếo ‘na hơdruê dêi UNESCO. Veăng leh ai pôa Phan Đình Trạc- Ngế cheăng tung Khu xiâm kal kí, Kăn hnê ngăn xiâm Đảng- Ngế pơkuâ tung khu kăn xiâm tơnêi têa, pôa Lê Minh Khái , Kăn hnê ngăn xiâm Đảng, Ngế pro xiâm phŏ hnê ngăn Chin phuh, teănng mâ mâu khu râ, khu xiâm, kơvâ cheăng xiâm, kăn hnê ngăn, mâu kăn hnê ngăn Đảng, Tơnêi têa hneăng hdrối, mâu jâ nôu Việt Nam khên tơnôu, mâu khu tơmối tung lâp plâi tơnêi ki krếo veăng leh ƀă hên hĭn kuăn pơlê [ă tơmối veăng leh.

VOV4.Xơ Đăng - Kơxo lơ 2/1, tuk ôm hyô têa kơxĭ 5 hơlŏng Westerdam dêi khu pơkuâ tuk têa kơxĭ Holland America Line chơ 2 rơpâu ngế tơmối ôm hyô ki tot a kơno tuk Tiên Sa hyô ngăn a Pơlê kong kân Đà Nẵng.