VOV4.Xơ Đăng - Mơđah Phim Việt Nam rôh má 23 xua khu xiâm ngăn mơhno Túa lĕm tro, Tơ’noăng ivá ƀă Ôm hyô tơrŭm ƀă kong pơlê Lâm Đồng tơkŭm po a pơlê kong kơdrâm Đà Lạt sap hâi lơ 21- 25/11/2023. Kố cho rôh kơvâ ôm hyô kong pơlê modêk mâu tơdroăng cheăng tơbleăng um tơmeăm vâ tơ’mot tơmối troh ôm hyô.

VOV4.Xơ Đăng - Kơxê hâi lơ 5/11, Khu ngăn mơhno túa lĕm tro mâu hdroâng kuăn ngo  ai kơxô̆ pơ’leăng mâ mơngế pa xôp 10.000 ngế rôh má 1 ƀă Măng tĭng ôm hyô- Túa lĕm tro Lai Châu hơnăm 2023 hiăng mơgêi.

VOV4.Xơ Đăng - A pơlê kong kơdrâm Đà Lạt, kong pơlê Lâm Đồng dế pơkâ pêi pro hên troăng hơlâ vâ kring vế, thăm mơdêk tơdroăng pêi pro dêi mâu túa cheăng ‘na kơvâ tơdrá prôa, tơdrá hơdruê.

VOV4.Xơ Đăng -  Kơxê hâi lơ 2/11, a cheăm Hòa Xuân, pơlê kong kơdrâm Ƀuôn Ma Thuột, khu xiâm ngăn Túa lĕm tro, Ivá ƀă Ôm hyô Dak Lak po tơbleăng Kâu lak ƀô̆ teăn hmôu tiô túa ton nah dêi mơngế Rơđế  ƀuôn Drai Hling ƀă pơxiâm po lâm hnê teăn hmôu jiâ tuô túa kuăn ngo Rơđế.

VOV4.Xơ Đăng - Khu ngăn Văn học ngê̆ thuât Dak Lak nếo klêi tơkŭm po hôp tơpui tơno 80 hơnăm xiâm tơdroăng ‘na túa lĕm tro Việt Nam ƀă tơdroăng mơnhông tơƀrê ‘na Văn hok ngê̆ thuât Dak Lak.  

VOV4.Xơ Đăng - Hâi lơ 31/10, a cheăm Yang Tao, tơring Lak, Khu pơkuâ ‘na mơhno khôi túa lĕm tro, Tơ’noăng ivá ƀă Ôm hyô Dak Lak tơkŭm po mơgêi lâm hnê ƀă meăn pro tơmeăm ƀă tơnêi hneăn ƀă kŏng dêi mơngế M’Nông ƀuôn Dơng Bắk.

VOV4.Xơ Đăng - A pơlê kong kơdrâm Plei Ku, Vi ƀan hnê ngăn kong pơlê Gia Lai tơkŭm po hôp tơbleăng mâu tơdroăng cheăng ki hơniâp ro ối tung tơdroăng po măng tĭng Mơhno túa lĕm tro – Ôm hyô Gia Lai hơnăm 2023.

VOV4.Xơ Đăng - A Pơlê kong kân Hải Phòng, Khu ngăn ‘na túa lĕm tro, Ivá ƀă Ôm hyô 3 kong pơlê Gia Lai, Dak Lak, Kon Tum tơrŭm cheăng ƀă Khu ngăn ‘na Ôm hyô Pơlê kong kân Hải Phòng tơkŭm po roh hôp dó inâi “Môi hdroh lăm, hên tíu troh”.

VOV4.Xơ Đăng - Vi ƀan pơlê kong kơdrâm Ƀuôn Ma Thuột, kong pơlê Dak Lak nếo tơkŭm po Tơ’noăng mâu khu tôu chêng hơnăm ối nếo.

VOV4.Xơ Đăng - Tung pơla po “Hâi á mơjo pâ dêi Tơnêi têa”, Khu pơkuâ hnê ngăn Đoân droh rơtăm kong pơlê Dak Lak hiăng tơkŭm po roh tơ’noăng vâi droh rơtăm rơngê, ting ting ƀă rêi prôa hdroâng kuăn ngo. Mâu khu kố hiăng mơđah tơbleăng hên mâu tơdroăng ki ro rih, mơhno tối ‘na tơdroăng ki ai krê dêi kuăn ngo tơná. Hên vâi droh rơtăm ai tối, ing roh tơ’noăng kố, vâi hiăng châ hlê plĕng hên tâ, ‘nâi plĕng hên tâ, thăm rế mơjo pâ ƀă mơđah mơhno khôi túa lĕm tro dêi hdroâng kuăn ngo tơná.