VOV4.Xơ Đăng - Kơmăng lơ 23/11, a tíu xiâm mơhno túa lĕm tro kong pơlê Dak Lak, Khu ngăn mơhno túa lĕm tro, Tơ’noăng ivá ƀă Ôm hyô Dak Lak tơkŭm po Hơdruê xuâng, tŏn chêng koăng kong pơlê Dak Lak hơnăm 2022.

VOV4.Xơ Đăng - Hâi lơ 22/11, a kong pơlê Dak Nông hiăng po rôh hôp lâp plâi tơnêi ‘na Kiâp hmốu ngo on rôh má 20 (ISV20) ƀă Rôh hôp Khoa hok “15 hơnăm mơnhông Công viên tơnêi tơníu a Việt Nam” tiô tơdroăng ki ‘no tơdrêng ing troăng um tơvi ƀă hyôh internet.

VOV4.Xơ Đăng - Lối 10 khế dêi hơnăm 2022, tơmối ôm hyô troh a kong pơlê Dak Lak vâ chê 1 rơtuh hdroh tơmối, kơxô̆ liăn châ xo ing tơdroăng ôm hyô hiăng luâ pơkâ dêi hơnăm.

VOV4.Xơ Đăng - Cho môi tung mâu kuăn pơlê rêh ối hiăng ton a kơpong peăng Hdroh Tây Nguyên, hdroâng K’Ho hâk tơngăm ‘na khôi tuá, vêa vong dêi tơná, khôi túa mê hiăng mơhno tung rêh ối, kế tơmeăm troh tơdroăng chôu vế tung hiâm mơno, ing tơdrá chêng koăng troh tơdrá rơngê ting ting, ếo pơtâk khôi hmâ ƀă hên mơdĭng ki ê.

VOV4.Xơ Đăng - Kơmăng lơ 18/11, a Plông kân lơ 16/3 a kong pơlê Kon Tum, Vi ƀan hnê ngăn kong pơlê Kon Tum tơkŭm po leh ô eăng inâi ki châ Tơnêi têa dó inâi “Ngê̆ nhân ưu tŭ” tung pơtối rak vế túa lĕm tro tơmeăm khoăng kơnía git ƀă Leh mơgêi Khu tŏn chêng, kơhnhon xoăng dêi mâu hdroâng kuăn ngo tung kong pơlê Kon Tum roh má môi hơnăm 2022.

VOV4.Xơ Đăng - Cô H’Keng (kuăn ngo M’Nông) ối a tơring Dak Song, kong pơlê Dak Nong cho môi ngế ki hâk vâ khât ƀă tơdroăng hnê hriâm nâl kuăn ngo tơná. Vâ chê 10 hơnăm, klêi hriâm Đăi hok Đà Lạt, cô hiăng hnê nâl M’Nông ăm hên lâm hriâm cho kăn bô̆, mâu kăn cheăng ăm tơnêi têa, mâu hok tro a cheăm tơring, kong pơlê.

VOV4.Xơ Đăng - Khu pơkuâ ‘na mơhno túa lĕm tro – Ivá ƀă Ôm hyô Dak Lak tơkŭm po mơđah tơbleăng Um kơchuâ kong pơlê Dak Lak roh má môi.

VOV4.Xơ Đăng - Rơngê rơngối dêi hdroâng Rơđế cho hơ’muăn xŏn, ai pơto pơtih, ai tơdjếi, tơcho. Mâu vâi krâ ki rơkê ‘na rơngê rơngối hiăng vâ rế pá ai, bu ối iâ tê mâu ngế hơnăm ối nếo hâk git kơ tơdroăng ki vâ rơngê rơngối, tung mê, ai Y Đhin Niê, ối khĕn cho Ama H’Ruin, ối a Ƀuôn Triă, cheăm Ea Tul, tơring Čư Mgar, kong pơlê Dak Lak.

VOV4.Xơ Đăng - Peăng xêi lơ 11/11, a kĭng long Xuân Hương, pơlê kong kơdrâm Đà Lạt, kong pơlê Lâm Đồng pơxiâm po hneăng ki mơđah “Thiên đường Tây Nguyên” ƀă mơđah rơnuâ hmân êó “Ché lụa ƀă mâu ếo pơtâk Tây Nguyên”.

VOV4.Xơ Đăng - A hngêi trung Kao đăng Văn hoă Ngê̆ thuât Dak Lak, Hô̆i Văn hok Ngê̆ thuât Dak Lak nếo tơkŭm po kong măng hơdruê Tình ca Linh Nga Niê Kdăm vâ ôu eăng mâu hnoăng cheăng ki pleăng dêi nghê̆ sih Linh Nga Niê Kdăm ăm tơdroăng hơdruê Dak Lak tung vâ chê 50 hơnăm.