VOV4.Xơ Đăng - Kơxo hâi lơ 17/10, a cheăm Yang Tao, tơring Lăk,  Khu xiâm ngăn mơhno Túa lĕm tro - Tơ’noăng ivá ƀă Ôm hyô kong pơlê Dak Lak  pơxiâm po lâm hnê ƀă hlối meăn pro tơmeăm ƀă tơnêi hneăn dêi mơngế M’Nông hnê ăm mâu kơdrâi a ƀuôn Dơng Bắk.

VOV4.Xơ Đăng - Kơxê lơ 16/10, a pơlê kong kơdrâm Kon Tum, kong pơlê Kon Tum, Khu hnê mơhno cheăng, Khu tơkŭm po Hâi mơdĭng Mơhno túa lĕm tro, Tơ’noăng ivá ƀă Ôm hyô mâu hdroâng kuăn ngo kơpong Tây Nguyên rôh má 1 hơnăm 2023 tơkŭm po hôp mơnhên tối klêi kơ’nâi pêi pro hnoăng cheăng hbrâ ăm mâu hnoăng cheăng ki kal pơtối tơbleăng pêi pro ăm hâi po mơdĭng.

VOV4.Xơ Đăng - Khu pơkuâ ‘na mơhno khôi túa lĕm tro – Rêh ối pơlê pơla ƀă Ôm hyô kong pơlê Dak Lak nếo tơkŭm po leh pơcháu chêng koăng ƀă ếo pơtâk hdroâng kuăn ngo ăm khu tôu chêng koăng, khu hơdruê xuăng a thôn, pơlê kuăn pơlê hdroâng kuăn ngo hơnăm 2023.

VOV4.Xơ Đăng - Kơxê lơ 11/10, a pơlê kong kơdrâm Ƀuôn Ma Thuột, kong pơlê Dak Lak, Hô̆i đong séa ngăn ăm phêp xúa tơmeăm râ Rơ’jíu Việt Nam hiăng ăm phêp xúa tơdroăng hriăn plĕng khoa hok ‘’Hriăn plĕng rak vế hơ’muăn hdrôu Rơđế, Jarai tung ƀâng hdroâng kuăn ngo kơpong Tây Nguyên’’.

VOV4.Xơ Đăng -  Tối troh Ƀơrô tơplôu tơbleăng, tơpui pơchuât nâl kuăn ngo - Kơ koan teăng mâ Rơ’jíu Việt Nam a Tây nguyên, hên mâu tơdroăng ki ối má môi, mê cho: Ƀơrô ai hên ngế má môi, 30 ngế, hên hdroâng kuăn ngo má môi, ai 8 hdroâng kuăn ngo, ƀă hên mâu ngế ki rơkê hơdruê xuăng, rêi prôa má môi. Ing tơdroăng ki kro mơdrŏng, gok gâ dêi  tơdroăng hơdruê xuăng mê, mâu ngoh nâ o hiăng piu hiât mâu tơdroăng ki xahpá, pơtroh ăm pú hmâ tơmâng Rơ’jíu mâu tơdroăng tơpui pơchuât nâl Rơteăng ki rơ-eăng ro.

VOV4.Xơ Đăng - Sap ing tơdế hơnăm kố, Dak Lak hiăng thăm mơdêk tơdroăng rak vế, chôu ‘măn khôi túa, vêa vong tiô khôi hmâ dêi hdroâng kuăn ngo. Pakĭng po mâu lâm hnê tŏn chêng tôu koăng, hơdruê xuăng tiô chal vâi krâ nah rêm hơnăm, Dak Lak ối po rơdâ tơdroăng hnê tơdroăng rơngê rơngối, hơ’muăn hdrôu, tơpui tơdjếi, tơ’mot hên mâu kuăn pơlê a mâu pơlê cheăm vâ mot hriâm.

VOV4.Xơ Đăng - Pơxiâm po mơđah um ukố umê tơmeăm tối ‘na “Hoàng Sa, Trường Sa dêi Việt Nam - mâu um tơmeăm ăm hlo ai sap ing nah ƀă ki tro luât” a kong pơlê Dak Lak.

VOV4.Xơ Đăng - Festival sâm Ngọc Linh kô châ kong pơlê Kon Tum tơkŭm po 2 hơnăm môi hdroh, rế cho tơdroăng cheăng kâ, rế cho tơdroăng ki pro pơxúa ‘na mơdĭng dêi kơpong tơnêi ai hên khôi túa lĕm tro.

VOV4.Xơ Đăng - Kơxo lơ 3/10, a pơlê kong kơdrâm Ƀuôn Ma Thuột, Tíu chôu ‘măn tơmeăm khoăng ton nah Pơtáu Hùng kong pơlê Phú Thọ tơrŭm ƀă Tíu chôu ‘măn tơmeăm khoăng ton nah Dak Lak tơkŭm po pơxiâm po mơđah tơbleăng tơdroăng ‘’Tơmeăm kơnía khôi túa lĕm tro ‘na hiâm mơno teăng mâ dêi kuăn mơngế - Loi tĭng xối pleăng Pơtáu Hùng ƀă hơdruê Xoan Phú Thọ’’.

VOV4.Xơ Đăng - Pôa Y Dŭ Êban, 55 hơnăm, hmâ krếo cho Ama Đam, ối a ƀuôn Sut Mđưng, cheăm Čư̆ Suê, tơring Čư̆ Mgar, kong pơlê Dak Lak châ vâi krâ-nhŏng o tối cho “ngế rak tơdrá chêng a pơlê pơla”. Hiăng luâ 50 hơnăm, tung mâu hơnăm hdrối mê hía nah, pôa ôh tá la lâi xâu, khéa kho tơdroăng pá puât, kơhnâ khât vâ tí tăng khu ki rơkê, hnê mơhno, tŏn chêng koăng, pơtối mơdêk idrâp chêng koăng a pơlê cheăm.