Tiô tối dêi Khu tơkŭm po a hâi Mơdĭng mơgêi, hâi mơdĭng hiăng veăng mơnhông tơrŭm môi tuăn tung tâi tâng hdroâng mơngế kuăn ngo; pơ-eăng, pơtối rak vế mâu tơdroăng ki kơnía git túa lĕm tro ton nah dêi mâu hdroâng kuăn ngo kơpong Tây Nguyên tối krê ƀă túa vêa vong ton nah ki lĕm dêi 54 hdroâng  kuăn ngo  tung tơnêi têa Việt Nam tối tơdjuôm. Tung rôh mơgêi hâi mơdĭng - Khu tơkŭm po hiăng tơbleăng, diâp hên inâi, tơmeăm khoăng mơhá ăm mâu ngê̆ nhân ƀă khu ngê̆ nhân ki mơđah rơkê.

Klêi po Mơdĭng ƀă diâp pri, lối 600 ngê̆ nhân, diễn viên, mâu ki tơ’noăng kuăn pơlê ƀă mâu kăn hiăng rơtế kơ’râu xuâng tơhrâ trâm dêi rơpó nếo a Hâi mơdĭng mơhno Túa lĕm tro, Tơ’noăng ivá ƀă Ôm hyô mâu hdroâng kuăn ngo kơpong Tây Nguyên rôh má  II hơnăm 2026 kô châ tơkŭm po a kong pơlê Lâm Đồng.