Hneăng hôp tơmâmg mâu khu ki rak ngăn, tíu ngăn ‘na đŏng phim, mâu ngê̆ sih ki đŏng phim tung tơnêi têa tơbleăng lối 10 tơdroăng chêh tối, rơtế ƀă chât tơdroăng veăng hnê tối ‘na luât pơkâ tŏng kum tung tơnêi têa tung, mơhno, tơbleăng phim; pro phim tiô luât pơkâ dêi tơdroăng tê mơdró ƀă tiô troăng xah hô̆i chuh ngiah; tơdroăng mơhnhôk tăng liăn vâ đŏng phim;  tơdroăng cheăng tơpui tối ki tro ki ôh ‘na phim rơtế tơdroăng mơngế ngăn; tơdroăng pêi pro rơtế ƀă tơdroăng đŏng phim ƀă ôm hyô, tơrŭm cheăng ƀă lâp plâi tơnêi.

“Troăng rơhlâ mơnhông mơdêk mâu kơvâ cheăng ƀă kơmăi kơmok mơhno túa lĕm tro Việt Nam troh hơnăm 2020, hvái ngăn troh hơnăm 2030’’ hiăng mơnhên: mơjiâng tơdroăng đŏng phim Việt Nam chiâng kơvâ cheăng ƀă kơmăi kơmok mơhno túa lĕm tro, mơnhông cheăng kâ, tơ’mot tơmối ôm hyô ƀă pro xiâm ki rơdêi dêi tơdroăng đŏng pro phim Việt Nam tung kơpong ƀă lâp plâi tơnêi.