VOV4.Xơ Đăng - Mơđah tŏn chêng koăng hơnăm ối nếo a pơlê kong kơdrâm Ƀuôn Ma Thuột hiăng châ tơkŭm po roh apoăng ai tá tơdroăng veăng ai mâ dêi lối 150 ngế vâi o hok tro, mâu hơnăm ối nếo. Tiô tơdroăng mơnhên ngăn dêi Khu châm điêm, tâi tâng mâu tơdroăng mơđah mê pơrá châ mơđah rơkê khât, tơtro, rơkê. Ai mâu khu tŏn chêng koăng, ai hên mâu vâi hdrêng hơnăm ối nếo la vâi rơkê khât tung tơdroăng ki tŏn chêng, tôu koăng tiô túa ki rơkê khât. Kố châ ngăn cho mâu ngế “ki rơkê păng ‘nâng” tung tơdroăng rak vế ƀă pơtối mơdêk hnoăng cheăng rak vế ngăn chêng koăng a kong pơlê Dak Lak klêi kơ’nâi rak vế, pêi pro tiô khôi túa ki rak vế, pêi pro tiô tơdroăng ki po lâm hnê mê.

VOV4.Xơ Đăng - Ếo pơtâk chal krâ cho môi tung tơmeăm mơhno túa lĕm tro ki lĕm dêi mâu hdroâng kuăn ngo a Gia Lai, la dế mơni kô vâ hía lôi. Tung tơdroăng mê, hiăng rak vế ếo pơtâkki rơkê lĕm drêng sâp ếo pơtâk pơchoh jêp chiâng mâu ếo pơtâk ki lĕm, tê ăm kơchô mơdró.

VOV4.Xơ Đăng - Kơmăng lơ 17/11, Leh mơdĭng Hokkaido - môi tung mâu tơdroăng cheăng ki vâ koh tơbâ 50 hơnăm mơjiâng tơdroăng tơrŭm tơpui kâ pơla Việt Nam ƀă Nhuk hiăng po a pơlê kong kân Hạ Long, kong pơlê Quảng Ninh.

VOV4.Xơ Đăng - Môi măng tĭng nếo, a pơlê kong kơdrâm Đà Lạt kô păng ‘nâng tơkŭm po Tơ’noăng phim Việt Nam roh má 23. Kong pơlê Lâm Đồng ngăn kố cho tơdroăng ki kal, cho roh vâ pơlê kong kơdrâm mơđah tơbleăng um méa, tơmeăm ki ai hlâu, tơmeăm ki rơdêi dêi tơná troh ƀă tơmối ôm hyô.

VOV4.Xơ Đăng - Ôm hyô a chiâk deăng cho kế tơmeăm ôm hyô ki xiâm dêi Đà Lạt – Lâm Đồng dế tơ’mot hên tơmối ôm hyô troh lăm ôm hyô ngăn.

VOV4.Xơ Đăng -  Tơ’noăng phim Việt Nam rôh má 23 ai 177 phim veăng tơ’noăng, cho rôh ki ai hên phim tơ’noăng má môi riân sap ing nah ta troh nôkố.

VOV4.Xơ Đăng -  Mơ’nui măng tĭng kố nah, a Plông kân Đại Đoàn Kết, pơlê kong kơdrâm Plei Ku hiăng pơxiâm po “Festival mơhno túa lĕm tro tŏn chêng koăng Gia Lai hơnăm 2023”. 

VOV4.Xơ Đăng - Jâ H’Dĭ Ktŭl, hdroâng Rơđế, ối krếo cho Jâ Phát, 65 hơnăm ối a Ƀuôn Drai Hling, cheăm Hòa Xuân, pơlê kong kơdrâm Ƀuôn Ma Thuột, kong pơlê Dak Lak cho môi ngế ki rơkê tĕn hmôu jiâ. Jâ cho ngế ki rơkê rơhí rơhó tung tơdroăng toi prế, tĕn hmôu jiâ tiô khôi hmâ dêi mơngế Rơđế sap ing ton tĭn nah. Jâ ôh tá chôu vế dêi tâi tơdroăng ki tơná hiăng tĕn ‘nâi to lâi plâ hmôu, jiâ, kơpâu ki vâ pôu vâi ‘nĕng, ếo pơtâk, bung, kơpĕn ăm vâi krâ-nhŏng o, la jâ xuân rơhêng vâ vêh hnê tối khu kuăn cháu tung la ngiâ.

 VOV4.Xơ Đăng - Kong măng lơ 10/11, Vi ƀan hnê ngăn tơring Čư̆ Pah, kong pơlê Gia Lai pơxiâm po Măng tĭng reăng mâ hâi kong – Ngo on Čư̆ Đăng Ya hơnăm2023 a plông kuât pơlê Ia Gri, cheăm Čư̆ Đăng Ya, tơring Čư̆ Pah.

VOV4.Xơ Đăng - Măng tĭng mơhno Túa lĕm tro- Ôm hyô Gia Lai hơnăm 2023 po sap hâi lơ 11 troh hâi lơ 19/11/2023. Tung mâu hâi ki kố, a kong pơlê Gia Lai, tơdroăng cheăng hbrâ dế thâ pêi pro. Măng tĭng mơhno túa lĕm tro ôm hyô dêi kong pơlê hơnăm kố châ tơkŭm po kân, ƀă hên tơdroăng pêi pro po mơdĭng túa lem tro, po tơ’noăng ivá tiô túa lĕm tro a tơbăng kong ngo Gia Lai, tơhrâ kô châ tơ’mot hên tơmối troh.