Veăng leh mơhnhôk Khế pơtâp ivá ăm rêm ngế ƀă Hâi kơtâu Olympic xua ivá tâi tâng kuăn pơlê, rơtế tơbleăng kuăn pơlê kơhnhon xuăng kong pơlê Kon Tum hơnăm 2024 ai lối 1.500 ngế cho kăn ƀô̆, mơngế pơkuâ, mơngế pêi cheăng ƀă khu vâi kơdrâi tơring Đăk Hà, Kon Rẫy, pơlê kong kơdrâm Kon Tum.

Tung tơdroăng xiâm rơtế mơđah tơbleăng kơhnhon xuăng hơnăm 2024, 500 ngế vâi kơdrâi sâp ếo xŏn, pêi pro tơdroăng rơtế mơđah tơbleăng ƀă ai tơdrá prôa ƀă tơdroăng kơhnhon xuăng tiô tro bản quyền dêi Khu xiâm Pơkuâ Khu vâi kơdrâi Việt Nam. Klêi kơ’nâi Leh mơhnhôk, lối 1.500 ngế hiăng veăng kơtâu rơtế kơtâu hơngế 1,5 km.