Rôh tơ’noăng Kơtâu kong pơlê Dak Lak hơnăm kố ai 17 khu ngế tơ’noăng ối tung 2 khu tơring, pơlê kong krâm, pơlê kong kơdrâm ƀă khôu kơ koan, hngêi trung hriâm, kâu lak ƀô̆ veăng tơ’noăng. Mâu ngế tơ’noăng a troăng xŏn 2 – 5km ƀă 8 tơdeoăng ki xiâm mê cho: vâi kơnốu, vâi kơdrâi, kơnốu tơ’noăng tiô pơkâ, kơdrâi tơ’noăng tiô pơkâ, kơnốu hơnăm ối nếo ƀă kơdrâi hơnăm ối nếo.

Mơgêi rôh tơ’noăng, khu tơkŭm po hiăng diâp mê dái ăm mâu ngế ki tơ’noăng châ kâ pri ối má môi, má péa, má pái a mâu tơdroăng ki tơ’noăng. Diâp hlá cơ khu pú ăm mâu khu ki châ điêm hên a rêm rôh tơ’noăng ƀă pri ối má môi, má péa, má pái tâi tâng khu ăm rêm khô̆i ki veăng.

Rôh tơ’noăng kơtâu châ tơkŭm po rêm khế vâ pro tơ’lêi hlâu ăm mâu ngế ki tơ’noăng veăng trâm mâ, tơpui tơno, tối ăm dêi rơpó ki rơkê ƀă mơdêk ki rơkê tung mâu tơdroăng cheăng, veăng kum mơdêk tơdroăng cheăng hriâm tâp kơtâu ƀă thăm mơdêk tơdroăng ki pơtâp ivá ăm kuăn pơlê.