Tung chôu phut ki krip krih, mâu túa leh mơdĭng: têk nhang, tông tơnông ƀă pơxiâm po hâi ki pơxiâm po mơdĭng châ po tiô kơ tơdroăng ki pơxúa dêi kuăn pơlê tơniăn lĕm, tơnêi têa châ hơniâp lĕm ƀă hnê mơhno hnoăng cheăng “khoh châ chiâng ai tiah hâi kố kơnôm ai hnoăng vâi krâ roh nah”, koh pơ-eăng pơtáu Trần - cho Khu kăn pơtáu chal vâi krâ nah dêi hdroâng mơngế.

Leh pơxiâm lôu péa Tíu xối tơbâ kố cho khôi túa, vêa vong dêi kuăn mơngế, cho tơdroăng ki lĕm tro vâ pơtáu koh mơnê kơ Khu xeăng Plêng, Tơnêi, xiâm kối jâ pôa nah, mơhno tối ‘na tơdroăng ki koh nhoăm kơ tơnêi tơníu, têa kroăng, hnoăng nôu pâ, jâ nôa ki mơjiâng ƀă mơnhông tơnêi têa.

Pŭn chư mêa ki chêh tối a mơnât loăng mê Hngêi xối tơbâ mê “Roăng mơhúa têm rơpiât” ki pơtáu Trần hiăng pơtroh ăm kuăn cháu cho vâ tâi tâng kuăn pơlê pơtối roăng rak hiâm tuăn ki lĕm tro, hnê tối ăm hrĭng hdroâng hdrê rak vế khôi túa lĕm tro, rak luât, hiâm mơno lĕm têm, athế roăng rak hiâm mơno ki lĕm tro ó khât, tŭm têk mê la ngiâ ah kô châ xúa tơmeăm khoăng, hnoăng ki krá tơniăn ton. Tuá leh mơdĭng mê pleăng ăm khu pơtáu Trần po a tíu xối tơbâ Thiên Trường xua Vi ƀan pơlê kong kơdrâm Nam Định pơkuâ xiâm.

Klêi kơ’nâi mê, cho túa ki ting tông tơnông, pơxiâm prôk ing plông tíu xối tơbâ Cố Trạch tơkâ luâ a bo cheăng kân troh a tíu xối tơbâ Thiên Trường.