Tơdroăng pêi Hâi thơ Việt Nam roh má 22 a Dak Lak djâ troh kuăn pơlê mâu tơmeăm ki kơnía thi ca kơnía git tung tơmeăm thi ca dêi 54 hdroâng mơngế nhŏng o ƀă mâu ƀai ki má môi chêh ‘na kong kế, kơpong tơnêi, kuăn mơngế dêi Dak Lak. Tíu po Hâi thơ Việt Nam a Dak Lak hiăng mơhno nhên tơdroăng pơxá dêi Hâi thơ mê cho tơdroăng rŭm môi tuăn mâu hdroâng mơngế.

Tung tơkŭm po tơdroăng ối ai mâu tơdroăng pêi pro, môi tiah: Mơđah, tơbleăng mâu ƀai thơ ca dêi mâu ngế ki chêh tung ƀă pakong kong pơlê; tơdjêp pơla ngế chêh thơ ƀă ngế hâk vâ thơ, kuăn pơlê hâk vâ văn hok nghê̆ thuât; Mơđah tơbleăng um, tơmeăm mih thuât, pong rơgi, mơđah tơbleăng kơxop mơ-éa... Roh kố, Khu pơkuâ văn hok ngê̆ thuât Dak Lak hiăng pêi pro roh chêh, mơđah tơbleăng mâu tơmeăm văn hok ngê̆ thuât koh phiu ro leh tơbâ 120 hơnăm mơjiâng kong pơlê Dak Lak.