Ing mê, Hâi  Hlá mơ-éa ƀă Túa lĕm tro pơchuât ngăn a kong pơlê Dak Nông hơnăm kố châ tơkŭm po kân râ kong pơlê, vâ mơhnhôk hên ngế vâ ngăn Hâi Hlá mơ-éa ƀă Túa lĕm tro pơchuât ngăn Việt Nam lơ 21/4, koh troh leh tơbâ 20 hơnăm mơjiâng kong pơlê Dak Nông lơ 1/1, tơbâ 49 hơnăm Hâi châ tơleăng lĕm Gia Nghiã - Dak Nông lơ 23/3.

A pơlê kong kơdrâm Gia Nghiã sap hâi lơ 13-15/3, Hâi leh hlá mơ-éa kô pêi pro châ chât tơdroăng cheăng, ki tơƀrê cho mơđah tơmeăm um tơmeăm, tơbleăng lối 15 rơpâu kơxop hlá mơ-éa ƀă mâu ƀai chêh văn hok ngê̆ thuât; mơđah tơbleăng tơdroăng cheăng xua kŏng ngê̆ kơmăi kơmok, veăng kum mơnhông túa pơchuât ngăn, pơ’lêh kơxô̆ tung hnê hriâm, pơ’lêh kơxô̆ tung kơvâ cheăng ‘na ‘măn rak hlá mơ-éa; trâm tơpui tơno ƀă mơngế ki chêh mâu ƀai chêh; trâm tơpui tơno tơrá đô̆i, khu văn ngê̆ sih hơnăm ối nếo ƀă mơđah tơ’noăng tuih xuăng tiô túa nếo dêi mâu tíu hnê hriâm.

Tiô pôa Hoàng Mạnh Thắng, Phŏ pơkuâ tíu xiâm tối ăm ‘nâi tơdroăng nếo ai hyôh internet Dak Nông, ƀă tơdroăng rơtế veăng kum dêi 22 tíu pêi cheăng, Hâi Hlá mơ-éa ƀă Túa lĕm tro pơchuât ngăn hơnăm kố kô cho mâu hâi leh a mâu pơlê cheăm.