Kơxo hâi lơ 10/3, a cheăm Trường Hà, tơring Hà Quảng, kong pơlê Cao Bằng tơkŭm po leh xo têa a têa krông Lênin, pơxiâm po leh vêh peăng xiâm Pác Bó hơnăm 2024. Rôh kố, kong pơlê Cao Bằng tơdah xo pơkâ tơbleăng tơmeăm khoăng túa lĕm tro ton nah dêi tơnêi têa ƀă tơdroăng cheăng “Teăn hmôu jiâ dêi kuăn ngo Tày”. Pakĭng mê, kiâp hmôu Ngườm Gảng ƀă Tíu xối tơbâ Nùng Trí Cao xuân châ pơxá inâi tơmeăm khoăng ton nah râ kong pơlê.

Pro leh hnêng têa a kơnhŏng Pác Bó  ƀă nô̆ng têa ôh tá xê to mơhno tơdroăng hmâ pro ki lĕm ton nah pâ mâu ai hnoăng tơnêi têa dêi hdroâng mơngế mê ối cho môi tơdroăng pêi pro ki lĕm tro vêa vong dêi kuăn pơlê a kố.

Tơdroăng pro leh pơxiâm apoăng po Mơdĭng vêh peăng xiâm Pác Bó hơnăm 2024. A Leh mơdĭng ối ai rôh tơ’noăng ro rơnó Hơngui; tơ'noăng kơtâu “Vêh pơlê xiâm Pác Bó” hơnăm 2024; tơdroăng mơhno túa lĕm tro, pế pơchên kế kâ dêi mâu cheăm, pơlê kân; tơbleăng um túa lĕm tro dêi mơngế Nùng Vẻn.