Kố cho tơdroăng tơmiât troh koh leh tơbâ 49 hơnăm hâi tơleăng lĕm kong pơlê Kon Tum (16/3/1975 – 16/3/2024) ƀă hâi mơjiâng tơring Đăk Hà (24/3/1994 – 24/3/2024). Tơdroăng Ngê̆ thuât ‘’Đăk Hà hâi rơnó” xua Ngế ki pro Minh Hạnh rah chêh, veăng mơđah tơbleăng dêi ngê̆ sih Nhân yân Thanh Lam rơtế hên ngế hơdruê, ngê̆ sih ƀă ngế droh lĕm rơduăng ô eăng tung tơnêi têa.

Tơkŭm po tung tíu pơlê khôi túa vâi krâ nah châ mơ’no liăn vêh pro rơkê, mâu tơdroăng mơđah tơbleăng “Đăk Hà hâi rơnó” tơdjêp ƀeăn ƀĕng rơkê, chôa ‘lâng lĕm mơhno ki kơnâ khôi túa vâi krâ nah, kheăn kơdeăn hiâm mơno pêi cheăng dêi kuăn pơlê mâu hdroâng kuăn ngo tung pơlê ƀă mâu ngế kuăn dêi tung rêm kơpong tung tơnêi têa troh a kố rêh ối, mơjiâng chiâng pơlê lĕm lĕm Đăk Hà. A tơdroăng pêi pro kố mâu ngế ki ngăn xuân châ ngăn hên ếo pơtâk ki ô eăng dêi ngế ki pro cho Minh Hạnh.