A pơlê kong kơdrâm Ƀuôn Ma Thuột, lối 400 tíu tê ô kơphế kĭ veăng ăm ô kơphế tê kơtê ăm kuăn pơlê ƀă tơmối a 3 tíu ki xiâm: Kơchơ ai tơkŭm tiô hâi @ Ƀuôn Ma Thuột (kơpong troăng Tôn Đức Thắng), Plông kân 10/3 ƀă Đường sách Ƀuôn Ma Thuột tung 2 hâi, 9 ƀă 10/3 la ngiâ. Ƀă a Tíu xiâm ôm hyô Kông vế Ƀuôn Đôn, Viƀan tơring Ƀuôn Đôn tơrŭm ƀă Khu pơkuâ ‘na khôi túa lĕm tro, Tơ’noăng ivá ƀă Ôm hyô, Tíu pêi cheăng Ôm hyô ƀă Hngêi ăm tơmối kâ koi ối pơtê Biệt Điện tơkŭm po tơdroăng ‘’Leh hô̆i Khôi túa lĕm tro – Tơ’noăng ivá – Ôm hyô khế 3 Tây Nguyên’’.

Tung mê, tơtrŏng má môi cho mâu tơdroăng trâm mâ mơhno khôi túa lĕm tro chêng koăng, ti tăng plĕng tơdroăng mơjiâng, mơnhông Pơlê rơlố ƀă tơdjêp khôi túa lĕm tro pơla mâu hdroâng kuăn ngo tung kong pơlê, mơđah tơbleăng xâp hmân ếo mâu hdroâng kuăn ngo.