Tơpui tơno kố ai tơdroăng ki veăng dêi hô̆i viên, ngê̆ sih xup um a 36 to kong pơlê, pơlê kong kân kơpong peăng Hdroh. A rôh tơpui tơno mâu kăn hiăng tơpui ‘na troăng tơmiât mơnhông dêi kơvâ ngê̆ thuât xup um Việt Nam; troăng tơmiât mơnhông tung chal kơmăi kơmok kơxô̆; xúa kơmăi kơmok tuăn ngoâ ki kuăn mơngế pro (AI) tung tơdroăng pơkâ, châm điêm, rah xo um ngê̆ thuât; pơhlêh tung tơdroăng xup um; pêi pro hên tung xup; ‘no liăn xup.

Mâu kăn tối tiah kố, kong ngê̆ kơxô̆ hiăng kum ăm tơdroăng ki xup um po rơdâ, hên ƀă lĕm tơviah tâ. Laga, xup um kal rak vế rơdêi ƀă mơnhông ki lĕm dêi um xup.