VOV4.Sêdang - Ngế pro xiâm hnê ngăn Chin phuh nếo kĭ hnoăng cheăng pro pơkâ pêi kong pơlê Lâm Đồng hneăng hơnăm 2021 – 2030, tơmiât pêi troh hơnăm 2050 ƀă pơkâ xiâm mơnhông mơdêk rĕng, tŭm têk ƀă krá tơniăn, djâ Lâm Đồng chiâng kong pơlê mơnhông mơdêk, tŭm têk dêi lâp tơnêi têa. Thăm vêh pơ’lêh cheăng kâ, xiâm kối cho vêh pơ’lêh pêi chiâk deăng, tơmiât troh kơvâ pêi chiâk deăng tŭm têk ƀă tiô rơxông nếo, tơmiât troh kơvâ pêi chiâk deăng tŭm têk ƀă tiô rơxông nếo, cho tíu xiâm hriăn plĕng, pêi chiâk deăng xúa kơmăi kơmok rơxông nếo râ tơnêi têa ƀă lâp plâi tơnêi; mơnhông ôm hyô dâi lĕm, mơjiâng pơlê kong kơdrâm Đà Lạt ƀă kơpong ki achê mê chiâng tíu xiâm ôm hyô dêi tơnêi têa ƀă kơpong peăng mâ hâi lo pá hdroh châu Á ƀă cho tíu xiâm hnê hriâm hriăn plĕng, tơmiât pêi rơkê khoa hok.

Pơtối mê, mơnhên troăng prôk mơnhông mơdêk, rah tíu ƀă rah mơngế pêi cheăng ăm mâu tơdroăng cheăng kâ – rêh ối pơlê pơla Lâm Đồng tơmiât troh mơdêk rĕng ƀă krá tơniăn ƀă 3 tíu cheăng ki xiâm cho: Pêi chiâk deăng rơxông nếo, Ôm hyô – ôm hyô dâi lĕm, Kơmăi kơmok tiô troăng rah xo, kơjo mơnhông mơdêk mâu kơvâ kơmăi kơmok chal nếo, kơmăi kơmok pro krúa lĕm ƀă kong prâi.

A Sa Ly tơplôu [ă tơbleăng