A môi to ngo dêi kơpong 704, tơnêi tơníu kong dêi Ko\ng ti Pêt kong Ea Kar, tơring Ea Kar ngin trâm hlo môi ngế kơnốu triah on rêi chôu ché ki ok têa kơxăng kât a ko hdréa mê ah hvât tung tíu ki ai loăng răng hlâ. Tung môi iâ phut, plá on chếo tâi tâng, mâu phêa, pơ-ốu, loăng pơtôu [ă ngôi on chếo kơneăng kân prăng rơmon ôh tá chiâng hlo kong kế.

Drêng kong dế chếo mê hiăng chếo troh pa ro\ng ngin, pa ngiâ hiăng hlo chiâng mâu tíu ki phá tơ-ê, bu ối to mâu loăng ki kân la xuân ối tro chếo [lông [lông. Tâk a ‘ngêi, ngăn ing hơngế xuân ối hên h^n mâu ngo ki hơ’lêh chiâng mơngơik ki ê dêi ngôi kơtâk [ă mơngơik tr^ng dêi mâu loăng ki hiăng hlâ xua ngôi on.

Pơtối mot tung dế kong ối tung kơpong 704, tơnêi tơníu dêi Ko\ng ti Pêt kong Ea Kar, mâu kong ki tro vâi chôu, ‘nhiê rế ó tâ. Ki hên ôh tá ai ngo ki lâi xếo akố ối le\m môi tiah hdrối nah. Tâng riân rôh ko ‘nhiê ki nếo [ă ki ton, a kơpong kố mơni tá hr^ng ha kong hiăng tro ko ‘nhiê tâi tâng. Hlo tơdroăng ki châi heăng kố, pôa Nguyễn Văn Hậu, kăn pơkuâ Tíu ki rak ngăn kong kơxo# 2, Ko\ng ti Pêt kong Ea Kar tối, châ pơcháu tơdrêng rak ngăn kơpong 704, kong gá kân rơdâ khât mê ôh tá kâi rak ngăn tâi:

‘’Nôkố rak ngăn xok ki vâi ok akố ai 386ha, kong kế kân rơdâ mê kuăn mơngế bu 3 ngế tê. Nôkố, rak ngăn tâng vâ tối khât gá ôh tá kâi prôk ngăn lâp lu’’.

Drêng khu ki ai tơdjâk troh lăm séa ngăn, lối chât ha kong hiăng tro ko ‘nhiê tâi tâng

Kơtăn kơpong 704 dâng 20km, kơpong 701 xuân xua Ko\ng ti Pêt kong Ea Kar rak ngăn, k^ng tơdjêp pơla cheăm }ư\ Bông, tơring Ea Kar [ă cheăm }ư\ San, tơring M’Drak, kong tro vâi chôu ‘nhiê tiô túa ki tơ’lêi tê.

Mơjo ‘nâng akố, tâi tâng [ăng tơnêi kong ối ai hên loăng ki kân, xuân tro vâi ko ‘nhiê, chôu ôh tá ‘nâi hơ-ui. A tíu ki tâp tơneăn hdró kơpong 701, mâu loăng ki kân xuân tá hâi kâi chếo tâi. Mâu loăng kân ki rơdâ châ lối met xuân rế hía rế chiâng kơtâk pló tâi tâng. Rế mot tung dế kong, rế hlo kong a Ea Kar hiăng [ă dế tro ko ‘nhiê ó. Pơkâ thế dêi Ngế pro xiâm hnê ngăn Chin phuh ‘na kl^ng péa kong, môi tiah ôh tá kơnía klâi a mâu kơpong ki kố. Ôh tá vâ hmâng, ôh tá pôu râng dêi tơdroăng cheăng, lơ ai mâu tơdroăng ki ôh tá tơniăn, ki klâi ‘lo peăng pa ro\ng klêi kơ’nâi mâu rôh ko ‘nhiê kong a Ea Kar cho tơdroăng ki kal pêi pro vâ ‘nâi nhên.

Pôa Hồ Trung Thành, pơkuâ ngăn kong 4, Ko\ng ti Pêt kong Ea Kar rak ngăn kơpong 701 ăm ‘nâi, pak^ng khu ki rak ngăn kong, la rak ngăn ôh tá kâi tâi, tơdroăng ki ko ‘nhiê kong rế hía rế ó ai xiâm kối trâu hơngế sap ing mâu tơdroăng ki ôh tá tơniăn tung pơkâ tơleăng mâu rôh ko ‘nhiê kong [ă mâu ngế ki pro xôi ‘na ko ‘nhiê kong.

Kong tro ko ‘nhiê hên h^n a kơpong 701, mâu loăng ki kân xuân ối hlo hên h^n

Pôa Thành mơhno, tíu pêi cheăng hiăng hên hdroh châ hlo mâu rôh ko ‘nhiê kong, thăm nếo hiăng rup kroăng mâu ngế ki ko ‘nhiê kong mê pơcháu ăm khu ki ai tơdjâk troh, laga ôh tá ‘nâi tiah lâi, hên rôh ko ‘nhiê kong, mâu ngế ki pro xôi ôh tá hlo pơxâu tơleăng:

‘’Peăng kơ koan hiăng rup hên rôh pro xôi la ôh tá pơkâ tơleăng. Tung kố mê á bu hlo, rup kroăng, tối tơbleăng [ă ăm vâi troh a kơ koan [ă kơ koan tối tơbleăng ăm khu ki pơkâ tơleăng. Tối tơdjuôm bu hnê tối iâ xo mê ah mơ’no vêh’’.

Tối troh tơdroăng ki ko ‘nhiê kong a cheăm, pôa Nguyễn Văn Vỹ, kăn hnê ngăn Vi [an cheăm Ea Bông, tơring Ea Kar ăm ‘nâi, mâu hơnăm achê pơla kố, kong a cheăm kố ki ối tung kong dêi Ko\ng ti pêt kong Ea Kar tro ko ‘nhiê ó. Pôa Vỹ tối nhên, ngế ki pơkuâ kong nôkố ôh tá kâi rak ngăn kong tung cheăm. Tơdroăng ki tơru\m pơxâu phak mâu rôh pro xôi, mâu ngế ki pro xôi tung pơla hdrối nah xuân hlo ôh tá tơniăn.

Ai mâu rôh ko ‘nhiê kong, pơto chơ loăng ôh tá tro luât, cheăm ‘nâi mê ah tối ăm ngế ki pơkuâ kong, khu ki rak ngăn loăng pơlái kuăn kiâ kong vâ tơru\m la ôh tá châ tơdroăng ki to\ng kum tơdrêng. Thăm nếo, rup mâu ngế ki pro xôi pơcháu ăm kơ koan ki ai tơdjâk troh la tơdroăng hrá pơkâ tơleăng mê pro khu ko keo loăng rế hía rế ko ‘nhiê, ôh tá hmâng luât pơkâ:

‘’Akố troăng hơlâ pơkâ tơleăng, a ê mê ‘lo ối tơvâ hên tơdroăng. Xua mê, mâu ngế ki pro xôi ngăn mê [ă tối tiah kố, maluâ châ rup la ôh tá chiâng tơleăng, xua mê mâu ngế ki pro xôi mê ôh tá bê xâu [ă tơdroăng dêi luât dêi tơnêi têa pơkâ ‘na hnoăng cheăng rak ngăn kong’’.

Peăng ngế ki pơkuâ ngăn kong, pôa Trần Lê Chin, kăn pho\ pơkuâ Ko\ng ti Pêt kong Ea Kar ăm ‘nâi, hnoăng cheăng rak ngăn kong a tíu pêi cheăng kố dế trâm hên h^n tơdroăng ki xơpá. Tung mê, xơpá kân má môi cho tơdroăng ki ôh tá vâ hmâng, pro xôi hdrối kố nah a tíu cheăng kố, pro 4 ngế kăn [o#, mâu ngế ki cheăng tung ko\ng ti tro rup a khế 1/2020. La kăn [o#, mâu ngế pêi cheăng kố tro rup klêi kơ’nâi Ko\ng an kong pơlê Dak Lak lăm séa ngăn rôh ko ‘nhiê kong, kếo xo loăng ki hên a kong dêi ko\ng ti, tơnêi tơníu dêi cheăm }ư\ Yang.

Tối troh tơdroăng a ko\ng ti xuân dế ối tro ko ‘nhiê ó, pôa Chin tối tiah kố, [ai hriâm xuân ối tiah mê, mâu kăn [o# a mâu tíu cheăng ‘na kong xơpá vâ tah lôi tơdroăng ki ôh tá tơniăn, ki pro xôi:

‘’Tơdroăng ki veăng to\ng kum, kơtoâ pơkí ăm khu ki tong kếo ko loăng mê tiô á cho ôh tá xếo. Xua ing mâu rôh, hdrối á vêh, ai 4 ngế nho\ng o tro rup kroăng, mê nôkố ôh tá ai ngế ki lâi ăm trâm ‘na tơdroăng ki mê’’.

Tung pơla mê, peăng Khu rak ngăn loăng pơlái kuăn kiâ kong tơring Ea Kar, pôa Lê Văn Trọng, kăn pơkuâ tíu rak ngăn loăng pơlái kuăn kiâ kong tối tiah kố, kong hiăng pơcháu ăm Ko\ng ti pơkuâ mê tơdroăng cheăng gá xua ko\ng ti mê yoh pôu râng. Pôa Trọng tối tiah kố, kăn [o# rak ngăn loăng pơlái hiăng pêi tâi ivá, khu rak ngăn loăng ôh tá tơdjâk klâi troh tơdroăng kố:

‘’Ko\ng ki kố hiăng ai ngế pơkuâ, tâng vâ tối khât cho Tơnêi têa hiăng pơcháu ăm ko\ng ti pêt kong mê ko\ng ti athế ai hnoăng cheăng pôu râng rak ngăn yoh. {ă Khu ki rak ngăn loăng pơlái kuăn kiâ kong tung cheăm kố mê ai môi ngế pơkuâ môi to cheăm, tí tăng ‘nâi ple\ng ăm Vi [an hnê ngăn râ cheăm xo ôh ti xê pêi cheăng teăng vâi. Khu rak ngăn loăng pơlái akố hiăng pêi pro tro hnoăng cheăng dêi mâu vâi pú ki mê tung tơdroăng nôkố cho rak tơniăn, châ tiô pơkâ’’.

Lăm tăng rơkong tiâ mơnhên ăm mâu tơdroăng ki ôh tá tơniăn xuân môi tiah pơkâ thế hnoăng cheăng tung tơdroăng ki rak ngăn kong a Tíu rak ngăn kong dêi Ko\ng ti Pêt kong Ea Kar, ngin ai rôh pêi cheăng [ă Vi [an hnê ngăn tơring Ea Kar.

Pôa Lê Đình Chiến, kăn pho\ hnê ngăn Vi [an tơring ăm ‘nâi, tơdroăng ko ‘nhiê kong a kơpong 701, 703 [ă 704 dế hlo ôh tá tơniăn khât. Tơring dế pơkâ thế ngế ki pơkuâ kong xuân môi tiah kơvâ cheăng ki ai tơdjâk troh séa ngăn, pêi pro nhên mâu rôh pro xôi vâ tối tơbleăng ăm kong pơlê, pâ thế pơxâu phâk. Tơring xuân hiăng hôp tơpui tơno vâ mơjiâng 2 tíu ki séa ngăn ai tơdjâk troh hbrâ mơdât tơdroăng ko ‘nhiê kong a cheăm }ư\ Êlang tơdjêp k^ng [ă tơring Krông Bông [ă cheăm }ư\ Bông tơdjêp k^ng [ă tơring M’Drak.

Maluâ mơnhên cho kong tro ko ‘nhiê ó, pôa Chiến tối tiah kố, mâu tíu pêi cheăng cho ngế ki pơkuâ kong [ă khu rak ngăn loăng pơlái pôi tá kơdrâ. Xuân tơdroăng ki mê, tơring tá hâi tí tăng hnoăng cheăng dêi mâu tíu cheăng:

‘’Tung pơla ai tơdroăng ki chôu kong, ko ‘nhiê kong môi tiah dế nôkố mê tơring tá hâi ai tối klâi ‘na hnoăng cheăng dêi péa to tíu pêi cheăng kố. Xua, ki hên mâu tíu cheăng ai lăm pơtrui ngăn xua mê châ hlo a rêm kơpong kong ki ôh tá kơdrâ. Xua mê, tơdroăng ki séa ngăn tơdroăng xôi dêi tơná tá ai tối klâi’’.

Kong tro ko ‘nhiê tung pơla ton khế hơnăm la ôh tá kâi hbrâ mơdât, pơxâu phâk tơdrêng. Drêng châ hlo mê lối chât ha kong hiăng tro ko ‘nhiê tâi tâng la khu pơkuâ tơring Ea Kar tối ôh tá kơdrâ. Ôh tá kơdrâ akố môi tiah hiăng ‘nâi nhên tơdroăng ki kong Ea Kar dế tro ko ‘nhiê tiô môi tiah hlá mơ-éa chêh hiăng châ khu kăn pơkuâ, kơvâ ki ai tơdjâk troh mơnhên hdrối.

Xua mê, maluâ tro ko ‘nhiê ó mê hnoăng cheăng dêi mâu tíu pêi cheăng, ngế ki pơkuâ kong, khu rak ngăn loăng pơlái xuân ôh tá tro pơxâu phâk tơdroăng kố. Mê ah, kong Ea Kar hiăng [ă dế hía lôi tung tơdroăng ki ôh tá ai ivá rak ngăn dêi ngế ki pơkuâ kong, tung tơdroăng ki ôh tá tơniăn dêi khu kăn pơkuâ, kơvâ cheăng ki ai tơdjâk troh cheăm tơring drêng pơkâ tơleăng mâu rôh ko ‘nhiê kong.

Công Bắc chêh

Katarina Nga tơplôu [ă tơbleăng