VOV4.Sêdang - Klêi 21 hâi pơlât a Hngêi pơkeăng Kơ-o lo mơheăm ƀă Hngêi pơkeăng pơlât êi xôu kong pơlê Dak Lak ƀă 3 roh séa ngăn achê kố hlo âm tĭnh ƀă SARS- CoV2, kơxo lơ 26/6, Ngế ki tâ pơreăng COVID-19 kơxô̆ 7186 hiăng lo ing hngêi pơkeăng. Ngế ki tâ COVID-19 kơxô̆ 7186 ối a cheăm Čư̆ Mốt, tơring Ea Hleo, kong pơlê Dak Lak. Ngế ki kố châ ‘nâi dương tĭnh ƀă SARS- CoV2 a hâi lơ 50/5.

Ngế ki tâ pơreăng COVID-19 a Dak Lak hiăng lo ing hngêi pơkeăng klêi kơ’nâi 21 hâi pơlât

Kố cho ngế ki ai tơdjâk troh tíu ki ai hên ngế tâ pơreăng a hngêi khôp Tin Lành Phục Hưng a Pơlê kong kân Hồ Chí Minh.

Tơdjâk troh ngế ki tâ pơreăng kố Vi ƀan hnê ngăn tơring Ea Hleo hiăng mơdât prôk lăm ƀă 3 to thôn ƀă 9 tíu ƀă lối 2.500 ngế kuăn pơlê. Pêi pro tơdroăng ki klâ ối krê pơlê pơla tiô pơkâ 15 dêi Ngế pro xiâm hnê ngăn Chin phuh ƀă pơlê kân Ea Drăng, cheăm Ea Wy, cheăm Čư̆ Mốt ƀă 36 rơpâu ngế. Klêi kơ’nâi lo ing hngêi pơkeăng, ngế ki kố châ djâ troh a hngêi vâ pơtối séa ngăn ivá a tíu ối tiô pơkâ dêi Khu xiâm ngăn pơkeăng ƀă khăm pơlât.

Katarina Nga tơplôu ƀă tơbleăng