VOV4.Sêdang - Ngế pro xiâm hnê ngăn Chin phuh hiăng pơkâ ‘na kĭ Tơdroăng mơnhông tê mơdró kong ngo, kơpong hngế hngo ƀă a chuăn têa kơxĭ pơla hơnăm 2021-2025. Tơdroăng hiăng tơbleăng nhên mâu troăng rơhlâ mơnhông mơdêk, môi tiah mơjiâng túa mơnhông tê mơdró tiô pơkâ tê mơdró a cheăm, pơlê kân; Tơkŭm tê mơdró tiô kơvâ ngăn ‘na chiâk deăng, tơmeăm pêi lo ing chiâk deăng ăm tơtro ƀă tơtroăng cheăng kâ - rêh ối kong ngo.  Mơnhông kơchơ xiâm pêi lo tơmeăm a kơpong pêi cheăng tơkŭm pú hên;  mơhnhôk mơnhông mâu tơdroăng tê mơdró krê, rơpŏng tê mơdró.

Tơdroăng Ngế pro xiâm hnê ngăn Chin phuh kĭ mơnhông tê mơdró kong ngo, kơpong hngế hngo, chuăn têa kơxĭ pơla hơnăm 2021-2025 cho kal khât, mơhno ki tơmâng ngăn, tŏng kum dêi Đảng ƀă Chin phuh ƀă mâu cheăm ki ối xơpá mê.

Gương tơplôu ƀă tơbleăng