VOV4.Sêdang - Ngế pro xiâm hnê ngăn Chin phuh hiăng pơkâ kơxô̆ 1163/QĐ-TTg kĭ tơdroăng mơnhông tê mơdró tung tơnêi têa pơla hơnăm troh 2030, hvái ngăn troh hơnăm 2045. Tơdroăng pơkâ mơnhông mê cho mơnhông tê mơdró tung tơnêi têa nôkố, ‘na ki rơkê plĕng, mơdêk  rĕng tung pêi cheăng ƀă krá ton cho tơdroăng ki kơnôm tơngah krá ăm tơdroăng pêi cheăng tung tơnêi têa rế pơ’lêh tâ nếo, mơnhông tơ-brê; mơjiâng inâi tơmeăm tê mơdró Việt Nam, kring vế ki pơxúa dêi mơngế ki rôe xúa, khu mơdró tung tơnêi têa ƀă tơdroăng cheăng kâ, ai tiô pơkâ rế ton rế krá ‘na mơnhông cheăng kâ-rêh ối, pro xiâm krá tơniăn vâ veăng tơrŭm trâu rơdâ tung cheăng kâ tung kơpong ƀă lâp plâi tơnêi”.

Tơdroăng pơkâ mê pơla hơnăm 2021-2030, ki tâk dêi pơxúa ‘na cheăng kâ tê mơdró tung tơnêi têa dâng 9 - 9,5% tung hơnăm, troh hơnăm 2030 veăng tơlo dâng 15,0 - 15,5% ƀă GDP lâp tơnêi têa; kơxô̆ liăn châ xo ‘na tê mơdró điê̆n tưh châ dâng 10,5-11% tung tâi tâng kơlo tê ‘ngré tơmeăm ƀă mơdró tơmeăm xúa, châ tâk riân dâng 20-21% tung hơnăm.

Gương tơplôu ƀă tơbleăng