VOV4.Sêdang - A tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pin hiằng ai roh tơdah pôa Yanai Tadashi, Kăn xiâm hnê ngăn Grup Fast Retailing dêi kong têa Nhuk. Ngế pro xiâm hnê ngăn hiăng tối ‘ló khât tơdroăng cheăng ‘no liăn tê mơdró kâ dêi Grup Fast Retailing a Việt Nam.

Pôa Yanai Tadashi mơnhên tối, pak^ng mâu tơmeăm ki vâ xâp tiah hmân ếo, la ngiâ kố ah, Grup kố kô athế po mơjiâng tơdroăng tê mơdró ‘ngré kế tơmeăm a Việt Nam.

Ngế pro xiâm hnê ngăn tơdah khu mơdró kong têa Nhuk

A mâu khế mơ’nui hơnăm nah, Grup kố hiăng ai kum hnê mơjiâng mâu sinh viên Việt Nam ki dế hriâm a kong têa Nhuk [ă mâu kong têa ối kơpong peăng mâ hâi lo pá hdroh châu Á, vâ la ngiâ kô chiâng mơngế teăng mâ dêi Grup, ti xê to a Việt Nam mê tung lâp plâi tơnêi.

Hiăng châ hlo ki tơ-[rê dêi Grup kố, pôa Nguyễn Xuân Phúc tối, Việt Nam tơkêa kô mơjiâng tíu ki tơ’lêi hlâu ăm khu mơdró kâ, mâu ngế ki ‘no liăn ing kong têa ê, tung mê, ai mâu khu mơdró kâ dêi kong têa Nhuk vâ thăm mơdêk hên tâ tơdroăng pêi cheăng kâ, tê mơdró.

Nhat Lisa tơplôu [ă tơbleăng