VOV4.Sêdang - Kơxo lơ 7/7, pôa Nguyễn Xuân Phúc, Ngế pro xiâm hnê ngăn tơnêi têa veăng hôp hlối hnê mơhno hneăng hôp tơdrêng mơgêi tơdroăng cheăng ‘na liăn ngân tơnêi têa 6 khế apoăng hơnăm, tơbleăng tơdroăng cheăng pêi 6 khế mơ’nui hơnăm 2020, xua Khu xiâm ngăn ‘na Liăn ngân tơku\m po.

Tối tơbleăng tơdroăng ‘na liăn ngân Tơnêi têa 6 khế apoăng hơnăm [ă pơkâ tơbleăng tơdroăng pêi pro 6 khế mơ’nui hơnăm kố, pôa Đinh Tiến Dũng, Ngế xiâm ngăn ‘na liăn ngân ăm ‘nâi, tơdroăng cheăng kâ mâu khế apoăng hơnăm tro tơdjâk xua pơreăng Covid-19. Mơhé ti mê, Việt Nam xuân pơtối rak vế tơdâng tơ’mô kân dêi tơdroăng cheăng kâ, tơniăn tơdroăng cheăng kâ, tơniăn ‘na rêh ối pơlê pơla. Việt Nam xuân cho môi tung iâ mâu kong têa pơtối rak kơxo# ki rah tơnêi têa, tung mê, hiăng ai lối 90 to kong têa tro kơdroh ki rah xo lơ ‘mâi hơ’lêh ki tơngah.

A hneăng hôp, pôa Nguyễn Xuân Phúc tối nhên, tung pơla tơnêi têa [ă kong têa ê dế trâm hên xahpá xua tơdjâk pơreăng Covid-19, kơvâ ngăn ‘na liăn ngân kal veăng kum pêi pro tro tơdroăng cheăng ‘na liăn ngân  tung mâu khế mơ’nui hơnăm.

Gương tơplôu [ă tơbleăng