VOV4.Sêdang - A Bình Định, pôa Nguyễn Xuân Phúc, Ngế pro xiâm hnê ngăn tơnêi têa veăng a Leh tơbleăng pơlê kong krâm An Nhơn pêi klêi mơjiâng thôn pơlê nếo, tơring Hoài Nhơn pêi klêi thôn pơlê nếo hơnăm 2018. Ngế pro xiâm hnê ngăn tơnêi têa mơnhên tối khât kong pơlê Bình Định ai kơxo# cheăm pêi klêi thôn pơlê nếo hên tâng vâ pơchông [ă lâp tơnêi têa.

Tơdroăng ki pơkâ mơ’no [ă thôn pơlê Việt Nam nôkố, mê cho tơdroăng ki mơ’no tah xok ‘mêi a thôn pơlê, kong prâi tơnêi tíu rêh ối, tơdroăng tơniăn krúa le\m ‘na kế kâ, Ngế pro xiâm hnê ngăn tơnêi têa pơkâ thế Bình Định tơmâng ngăn ‘mâi rơnêu, malối cho mơdêk rak ngăn tơdroăng rêh ối kuăn pơlê, tá kế tơmeăm liăn ngân. Loi tơngah Bình Định kô ai mâu hvêa chêng prôk ki nếo tung mơjiâng thôn pơlê nếo, Ngế pro xiâm hnê ngăn tơnêi têa pơkâ thế kong pơlê ai troăng hơlâ to\ng kum mâu cheăm, tơring pơtối pêi klêi hnoăng cheăng kố, pêi pro [ă po rơdâ túa pơkâ ki tro, túa pêi ki ‘ló troh [ă mâu tơring cheăm ki ê tung kong pơlê, malối cho kơpong peăng kong ngo, kơpong ki ối xơpá.

Kataringa Nga tơplôu [ă tơbleăng