VOV4.Sêdang - Kơxo lơ 9/6, a tíu pêi cheăng Chin phuh, pôa Nguyễn Xuân Phúc, pơkuâ hneăng hôp tiah hmâ dêi Chin phuh ‘na  tơdroăng cheăng hbrâ mơdât pơreăng Covid-19. Xông tơpui a hâi pêi cheăng, pôa Nguyễn Xuân Phúc tối nhên, pơreăng hiăng châ mơdât a tơnêi têa pin, la xuân kal thế hbrâ mơdât [ă pôi tá tơngôu drêng tung lâp plâi tơnêi xuân ối hên ngế tâ pơreăng Covid-19, tơdroăng ki pơtối vêh tâ tú nếo ối hlo a hên kong têa.

Tung pơla mê, Ngế pro xiâm hnê ngăn tơnêi têa tối tiah kố, tơdroăng ki kal drêng kố cho thế mơ-eăm kum tê mơdró tung tơnêi têa, tá tơdroăng ăm phêp mâu ngế ki rơkê, khu ‘no liăn cheăng, ko\ng nhân ki rơkê pêi cheăng dêi kong têa ê mot a tơnêi têa Việt Nam thế châ séa ngăn nhên, mơdât pơreăng [ă pơkâ khăm ngăn tơtro.

{ă tơdroăng hên ngế Việt Nam a kong têa ê vâ vêh dêi a tơnêi têa. Ngế pro xiâm hnê ngăn tơnêi têa hiăng thế Khu xiâm tơpui kâ [ă mâu khu xiâm kơvâ cheăng tối mâu tơdroăng pơkâ ki tơtro...

Ngế pro xiâm hnê ngăn tơnêi têa tối tiah kố, Kal thế mơjiâng tơdroăng tối tơbleăng hbrâ mơdât pơreăng dêi Việt Nam tung chal nếo nôkố. Troăng hơlâ Việt Nam tơniăn vâ mơnhông mơdêk krá tơniăn tiah nôkố.

Gương tơplôu [ă tơbleăng