VOV4.Sêdang - Kơxo lo 8/7,  hlo pơreăng tâ tú rĕng, tâ tú rơ-iô dêi COVID-19 a Pơlê kong kân Hồ Chí Minh, klêi tiâ vâ môi tuăn ƀă tơdroăng dêi pơlê kong kân xúa pêi pro tiô tơdroăng pơkâ 16, pôa Phạm  Minh Chính, Ngế  pro xiâm hnê ngăn Chin phuh hiăng pơkuâ hneăng hôp mơ’no tơdrêng dêi Chin phuh ƀă mâu kăn Pơlê kong kân Hồ Chí Minh vâ tơpui, môi tuăn hlê, troăng hơlâ pơkâ pêi, troăng hơlâ vâ pêi ƀă krếo kuăn pơlê kong kân veăng tơmâng rơtế ƀă mâu kăn khu râ pơkuâ cheăng kal kí vâ tơkŭm pêi tơdroăng hbrâ mơdât pơreăng COVID-19 châ tơ-ƀrê.

Ngế pro xiâm hnê ngăn tơnêi têa

Ngế pro xiâm hnê ngăn tơnêi têa khĕn kơdeăn ki mơ-eăm dêi Pơlê kong kân Hồ Chí Minh, kăn hnê mơhno cheăng dê khu râ Đảng, mâu kăn rêm  râ. La troh nôkố pơreăng COVID-19 a pơlê kong kân xuân pơtối tâ tú rơ-iô, pá vâ ‘nâi hdrối, pá vâ séa ngăn mơdât pơreăng. Tiô tối thế dêi pơlê kong kân, khu kăn cheăng tung Chin phuh, Ngế pro xiâm hnê ngăn Chin phuh hiăng môi tuăn ƀă tơdroăng pơkâ xúa pêi pro kơtăng tâ tơdroăng pơkâ 16 thế klâ kơtăn hơngế Pơlê kong kân Hồ Chí Minh tung 15 hâi vâ mơdât pơreăng.

Ngế pro xiâm hnê ngăn tơnêi têa tối nhên, pêi pro tơdroăng klâ kơtăn pơlê pơla la pro ti lâi tơdroăng rêh ối dêi kuăn pơlê pôi tá trâm pá, thế tơniăn, mo lĕm châ, rak vế ivá dêi kuăn pơlê ki má môi. Pêi ahdrối tơdroăng hbrâ mơdat pơreăng COVID-19, pêi ahdrối tơdroăng xĭng xoăng ‘na pâk vaccine ăm Pơlê kong kân Hồ Chí Minh.

Gương tơplôu ƀă tơbleăng