VOV4.Sêdang - Kơxê lơ 21/6, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp ‘no tơdrêng ing um tơvi ƀă 32 to kong pơlê ‘na hnoăng cheăng hbrâ mơdât COVID-19. Kố cho mâu kong pơlê ki dế ai pơreăng lơ ai mâu kơpong pêi cheăng ƀă kơmăi kơmok, kơpong uâ pơliê mơjiâng pro kế tơmeăm. Pôa Phạm Minh Chính mơnhên tối khât, pơreăng mơni kô ôh tá tơniăn, tơpá vâ ‘nâi hdrối. Môi hdroh nếo Ngế pro xiâm hnê ngăn tơnêi têa tối, pơreăng mơni kô xông tâ tú drêng lâi ôh ti ‘nâi, mê pôi tá athế tơngôu, athế hbrâ kơchăng. Rôh kố, khu pơkuâ tơdroăng kal kí a mâu kong pơlê athế pêi pro kơtăng tâ, malối tối rơdêi, athế ‘nâi nhên mâu kong pơlê. Rak ngăn mâu kong pơlê, tơrŭm krá tơniăn tâ, kŏng an, khu lêng, mâu khu ki pơkuâ vâ pêi pro tro hnoăng cheăng klâ ăm ối krê, gâk kring tơniăn, ăm kuăn pơlê. Ngế pro xiâm hnê ngăn tơnêi têa tối rơdêi, tơdroăng pơkâ pêi pro 2 tơdroăng cho tơpá khât. La xơpá xuân athế pêi, tơkâ luâ vâ tối rơdêi, ai tơ’nôm tơdroăng ki rơkê plĕng pơkuâ, hnê mơhno. Séa ngăn tơdroăng ki ai khât, tối tơbleăng hdrối tơdroăng mơ’no tối troăng pơkâ ki nhên, tơƀrê, pro ai pơxúa ăm tơdroăng ki loi tơngah tung kuăn pơlê, mơ’no tối troăng hơlâ pêi pro hnoăng cheăng tơƀrê.

Katarina Nga tơplôu ƀă tơbleăng