VOV4.Sêdang - A Tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ roh hôp tiah hmâ dêi Chin phuh ‘na mơnhông mâu kơpong cheăng kâ ki xiâm. Mơgêi a roh pêi cheăng, pôa Nguyễn Xuân Phúc tối nhên, kơpong cheăng kâ ki xiâm cho tíu mơnhông tơtêk ki kal dêi tơnêi têa. Xua mê, kal thâ mơjiâng, pêi kêi đeăng kơpong pơkâ pêi kơpong, pơkâ pêi dêi kong pơlê ối tung pơkâ pêi tâi tâng dêi tơnêi têa, tơleăng tơdroăng ki bô bối, tot môi tíu lơ ngế ki lâi ngế ki mê pêi xêh môi troăng.

Ngế pro xiâm hnê ngăn tơnêi têa pơkuâ roh hôp Khu râ kăn xiâm ai mâ đi đo dêi Chin phuh ‘na mơnhông mâu kơpong cheăng kâ ki xiâm

Ngế pro xiâm hnê ngăn tơnêi têa pơkâ Khu xiâm pơkuâ cheăng [a\ mơ’no liăn cheăng tơru\m [a\ mâu khu xiâm, kơvâ cheăng, kong pơlê thâ pêi pro hnoăng cheăng ki kal kố. ‘Na kơxo# liăn mơ’no cheăng, Ngế pro xiâm hnê ngăn tơnêi têa tối, mâu kơpong cheăng kâ ki xiâm ai tơmeăm vâ mơhnhôk kơxo# liăn pơlê pơla.

Khu kăn pơkuâ mâu kong pơlê kal pôu râng hnoăng cheăng tung mơnhông cheăng kâ kơpong, pôi tá ngăn kố cho tơdroăng hôp tơpui tơno tung kâu lăk [o# mê thế pêi tá hiâm mơno, tâi ivá cho vâ mơnhông mơdêk dêi lâp kơpong, dêi tơnêi têa [a\ rêm kong pơlê.

Dế nôkố, Ngế pro xiâm hnê ngăn tơnêi têa pơkâ 2 kơpong ki tơdjâk kong prâi ó má môi cho kơpong Tơbăng kroăng Cửu Long [a\ peăng tơdế Tơnêi têa dế trâm kong tô khăng khoăng kal tơku\m rơnêu kế tơmeăm khoăng xua kong prâi pro, po rơdâ tơtro pơkâ mơnhông mơdêk cheăng kâ - rêh ối pơlê pơla hơnăm 2020.

A Sa Ly tơplôu [a\ tơbleăng