VOV4.Sêdang - Klêi lăm pôu pêi cheăng tơdrêng achê kố a mâu hngêi kơmăi mơjiâng pro vaccine, tơmeăm pơkeăng ki vâ xúa mơdât pơreăng COVID-19, pôa Phạm Minh Chính, Ngế pro xiâm hnê ngăn tơnêi têa thế, tơkŭm mâu kăn, hnê mơhno, pro tơ’lêi hlâu má môi tâng chiâng, kum tăng mơngế ki rơkê vâ mơdêk rĕng tí tăng ‘nâi plĕng, pơcháu tơdroăng cheăng ‘na kơmăi rĕng má môi  vâ pơkeăng vaccine châ mơjiâng pro tung tơnêi têa, teăm vâ xúa pâk mơdât pơreăng COVID-19. Mơ-eăm ki hrá cho tung 6 khế hơnăm 2022 kô châ mơjiâng pro vaccine.

Ing tơdroăng tí tăng ‘nâi plĕng, mơnhên, mâu Khu xiâm, kơvâ cheăng, kong pơlê tơdjâk kal thế mơdêk hnoăng cheăng, pro tơ’lêi hlâu, teăm lêi tah ki xơpá, tơvâ tơvân ‘na tơdroăng cheăng pơcháu, tí tăng ‘nâi plĕng ‘na mơjiâng pro vaccine. Ngế pro xiâm hnê ngăn tơnêi têa pơcháu ăm Khu xiâm ngăn pơkeăng pơkuâ, tơrŭm ƀă mâu Khu xiâm, kơvâ cheăng ki tơdjâk mơjiâng pơkâ pơcháu, tí tăng ‘nâi plĕng tung pêi pro mơnhên vaccine, tung mê, ai vaccine hbrâ mơdât COVID-19 tro tiô pơkâ, tơniăn teăm, tơtro ƀă tí tăng ngăn tối thế pro tung pơla iâ khế, tơbleăng ăm rêm râ kơpêng séa ngăn, pơkâ pêi.

Gương tơplôu ƀă tơbleăng