VOV4.Sêdang - Kơxê lơ 15/7, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa tơdah khu tê mơdró kong têa Singapore troh ti tăng roh tơ’lêi thăm mơ’no liăn cheăng, tơru\m pêi cheăng kâ a Việt Nam. Khu tê mơdró veăng ai mâ vâ chê 40 ngế teăng mâ, mê cho Kăn hnê ngăn Grup pơkuâ khu tê mơdró Singapore (SBF), Kăn pơkuâ Kơ koan mơnhông khu tê mơdró kong têa Singapore (ESG), Kăn hnê  ngăn Grup pơkuâ kơmăi kơmok Singapore (SMF), rơtế [ă khu kăn pơkuâ mâu grup ki má môi kong têa Singapore.

Ngế pro xiâm hnê ngăn tơnêi têa tơdah khu tê mơdró kong têa Singapore 

Singapore nôkố ối má 3 ‘na mơ’no liăn cheăng a Việt Nam [a\ lối 2.200 tơdroăng tơkêa bro, ai tâi tâng kơlo mơ’no liăn cheăng dâng 50 rơtal dollars. Ngế pro xiâm hnê ngăn tối nhên, trâm hên tơdroăng ki ôh tá tơniăn ‘na cheăng kâ lâp plâi tơnêi, tơru\m tê mơdró lâp plâi tơnêi, cheăng kâ Việt Nam mơnhông mơdêk tơtro.

Chin phuh Việt Nam kheăn kơdeăn mâu tơdroăng mơ’no liăn tê mơdró dêi khu tê mơdró kong têa Singapore a Việt Nam. Ngế pro xiâm hnê ngăn tơnêi têa tối nhên, Việt Nam kô pro tơ’lêi hlâu ăm khu mơ’no liăn cheăng a kong têa ê, tung mê, ai khu mơ’no liăn cheăng a kong têa Singapore.

Việt Nam sôk ro [a\ kheăn kơdeăn túa ki rơkê tơtro hơ’lêh nếo dêi kong têa Singapore, ki má lối cho pơkâ dêi peăng Singapore mơnhông mơdêk mâu tíu xiâm pơhlêh nếo rơkê péa tơnêi têa.

            A Sa Ly tơplôu [a\ tơbleăng