VOVO4.Sêdang – Kơxo lơ 2/6, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp Chin phuh tiô hmâ khế 5 [ă tơdroăng cheăng kâ rêh ối. Tơdroăng cheăng kâ rêh ối khế 5, pôa Nguyễn Xuân Phúc ai tối tiah kố, hiăng ai hơ’leh, tơdroăng cheăng tung tơnêi têa châ ‘mâi mơnhông, malối cho tơdroăng vêh pêi cheăng nếo. Môi tơdroăng ki mơhno mê cho pơkâ dêi khế tơniăn luâ hên tâ khế 4. Khế 5 xuân cho khế ki um méa Việt Nam tung lâp plâi tơnêi tâk hên.

Pôa Nguyễn Xuân Phúc hâk phiu ăm ‘nâi 48 hâi hiăng luâ tơnêi têa pin oh tá hlo ai ngế tâ pơreăng Covid-19 tung kuăn pơlê. Ki hên mâu ngế tâ tú pơreăng hiăng châ pơlât prêi [ă hiăng lo ing hngêi pơkeăng. Ngế pro xiâm hnê ngăn tơnêi têa tối ôh tá piu hnoăng pêi dêi mâu kong pơlê ki Ngế pro xiâm hnê ngăn nếo pôu, pêi cheăng xuân nếo châ pơkâ kơdo mơ-eăm pê klêi mâu tơdroăng pơkâ cheăng kâ rêh ối hiăng tơbleăng sap ing apoăng hơnăm.

Ngế pro xiâm hnê ngăn tơnêi têa thế mâu khu xiam, kơvâ cheăng, kong pơlê mơ-eăm vâ pê klêi mâu tơdroăng pơkâ ‘na cheăng kâ - rêh ối hiăng tơbleăng tung hơnăm kố, hlối thế mâu ngế veăng hôp mê tơpui tối troăng hơlâ ‘na mâu tơdroăng ki nếo ‘nâi môi tiah hbrâ mơdât pro pơlăm pơlối a vâi ‘ne\#ng, tơdroăng ‘na yă hơ’nêh chu xuân pơtối to kơnâ.

Gương tơplôu [ă tơbleăng