VOV4.Sêdang - Kơxê lơ 16/6, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa veăng a Hneăng hôp mơgêi pơtân tơdroăng pơtâng tối tơdroăng kal, tối ‘na hbrâ mơdât pơreăng Covid-19. Hneăng hôp xua Khu pơtâng tối, mơhnhôk kuăn pơlê Tơnêi têa, Khu xiâm ngăn pơkeăng [a\ khăm pơlât, Khu xiâm pơtâng tối tơdroăng kal tiô troăng um tơvi, rơ’jíu [a\ internet tơru\m tơku\m po.

Tiô Khu xiâm pơtâng tối tơdroăng kal tiô troăng um tơvi, rơ’jíu [a\ internet, khu chêh hlá tơbeăng hiăng mơhno hnoăng djâ troăng ahdrối, pêi tơtro tiô mâu pơkâ luât [a\ hnê mơhno, tơdjâ troăng tơbleăng ki kal dêi mâu kơ koan cheăng, thăm tơplâ mơdât tiâ mơnhên troăng tơmiât pêi, tơdroăng ki ôh tá tro, mơhno hên tơdroăng mơnhên dêi Đảng, Chin phuh, mâu râ, kơvâ cheăng dêi Việt Nam hiăng, dế pêi tâi ivá tơná vâ hbrâ mơdât pơrea\ng Covid 19.

Tối nhên tơdroăng pêi pro pơkâ châ péa xôh tung la ngiâ, Ngế pro xiâm hnê ngăn tơnêi têa tối ăm ‘nâi, Chin phuh kô tơbleăng ăm Kuo#k ho#i mâu troăng vâ mơnhông cheăng kâ – rêh ối pơlê pơla sap ing kố troh mơ’nui hơnăm, kho\m mơ-eăm châ hên má môi mâu pơkâ mơ’no.

Xua mê, hnoăng cheăng pơtâng tơbleăng cho pơtối vâ kuăn pơlê ôh tá tơngôu [a\ ki tâ tú dêi pơrea\ng, tơdrêng amê mơ-eăm pêi hnoăng cheăng kâ, rêh ối pơlê pơla.

A Sa Ly tơplôu [a\ tơbleăng