VOV4.Sêdang - Kơxo 22/6 a tíu pêi cheăng Khu xiâm Kŏng an, pôa Phạm Minh Chính, Ngế pro xiâm hnê ngăn Chin phuh veăng leh mơgêi tơdroăng mơjiâng, tơbleăng tơdroăng tơkêa bro chêh ‘măn mâu tơdroăng kal tơnêi têa ‘na kuăn pơlê; tơdroăng tơkêa pêi pro, ăm ƀă rak ngăn Căn cước kuăn pơlê ƀă Leh tơbleăng pơkuâ ngăn kơmăi ing lơ 1/7/2021.

Tơpui a hâi leh, teăng mâ kăn xiâm Đảng, tơnêi têa, pôa Phạm Minh Chí khĕn kơdeăn mâu tơdroăng mơ-eăm, ƀă tơdroăng hiăng châ pêi pro dêi Khu xiâm Kŏng an, Kŏng an mâu kong pơlê; tơdroăng mơ-eăm tơchoâm ivá, rơtế veăng pêi tơ-ƀrê dêi mâu khu mơdró cheăng ‘na kŏng ngê̆ thong tin a tơdroăng tơkêa bro, veăng mơjiâng tơdroăng ki chêh ‘măn dêi tơnêi ‘na kuăn pơlê dêi Việt Nam.

Ngế pro xiâm hnê ngăn tơnêi têa veăng leh mơgêi mơjiâng tơmeăm khoăng, tơbleăng tơdroăng tơkêa bro chêh ‘măn mâu tơdroăng kal tơnêi têa ‘na kuăn pơlê

Ngế pro xiâm hnê ngăn tơnêi têa tối nhên, kố cho mâu tơdroăng cheăng pêi ki kal, tơrŭm, ai tơdjâk troh lâp lu, pơxúa khât, tơ-ƀrê ton la pơloăng mơnúa ‘na ngiâ ối hên, Ngế pro xiâm hnê ngăn tơnêi têa tối tiah kố, tơdroăng mơjiâng kơmăi chêh ki nếo bú nếo apoăng tê, chêh ‘mot mâu tơdroăng mê vâ xúa tung rêh ối, pơtối rak vế ki tơ-brê  khât, kuăn pơlê, khu mơdró châ xúa ki nếo cho tơdroăng púi vâ dêi Đảng, tơnêi têa, tơdroăng tơkôm tơngah a pơlê pơla ƀă tâi tâng kuăn pơlê.

Gương tơplôu ƀă tơbleăng