Lăm pôu a pơlê Kgiang, cheăm Kông Lơng Khơng, tơring K[ang, kong pơlê Gia Lai ngin chiâng hil tơviah ‘nâng drêng hlo mâu hngêi trăng, tơmeăm khoăng dêi ngoh Đinh A Ngưi, hdroâng kuăn ngo Bơhnéa. Ngoh cho ngế ki djâ troăng ahdrối po mơjiâng mâu tíu ki ăm tơmối mot ối, pơtê pơto a mâu tơring ki ối peăng mâ hâi lo pá hdroh dêi kong pơlê Gia Lai. Bo cheăng ngoh A Ngưi xuân hiăng pro tiô khôi hmâ dêi hdroâng kuăn ngo Bơhnéa tiô chal vâi krâ hiăng hmâ pro. Tơdrêng [ă mơjiâng pro mâu hngêi trăng, troăng prôk, kơdrum deăng mê ngoh ối ai djâ pế pơchên hmê kơchâi kâ tiô khôi hmâ vâi krâ roh nah hiăng ‘măn ăm vâ djâ lăm tung kong lơ lăm a chiâk deăng vâ kâ.

A Ngưi hiăng ‘no liăn mơjiâng pro mâu tơmeăm tiô túa homestay apoăng a cheăm kơtiê

Ngoh A Ngưi tối ăm ‘nâi, tuăn tơmiât ki vâ po homestay cho xua hdrối mê hía nah, ngoh cho ngế ki hmâ djâ tơmối lăm xah ôm hêi a tơring K[ang. Drêng hlo khu tơmối rơhêng vâ châ ngăn, châ hlo [ă tí tăng ‘nâi ple\ng tơ’nôm ‘na Tây Nguyên, ngoh A Ngưi hiăng ‘nâi nhên kal athế pêi pro mâu tơmeăm khoăng vâ rak tơmối ki ôm hyô, tơdrêng amê hnối tối pơtâng, mơhno tơbleăng um méa, mơhno túa le\m tro tiô chal vâi krâ dêi hdroâng Bơhnéa. Klêi tơmiât ngoh pêi pro hlối, khế 2/2019, ngoh pơxiâm po tơdroăng homestay [ă mơjiâng pro mâu tour ôm hyô a tơring K[ang.

Homestay dêi ngoh A Ngưi châ mơjiâng tung tơnêi tíu châ 1 ha. Apoăng mơjiâng 4 to kơbong koi [ă môi toăng hngêi trá ki ăm kơdrâm mơngế to ối. A hngêi ki kân mê, A Ngưi hiăng mơđah tơbleăng mâu tơmeăm khoăng ki hmâ xúa tung rêh ối, cheăng kâ dêi hdroâng Bơhnéa tơná, la xuân ai mâu túa ki mơjiâng pro phá tơ-ê xêh. A Ngưi hiăng tí tăng rôe môi kơtum chêng koăng, không, hên ếo pơtâk, tơmeăm khoăng ki te\n pro ing hmôu, kơpâu, kơpân, rơmoăng, jiâ, khăn văi, mâu tơmeăm ki mê hiăng te\n ing kơpê ki nôu ngoh pêt, vế prế, tâm mơngiơk [ă hnối te\n mơjiâng. Ing mâu tơmeăm khoăng ki mê hiăng pro ăm khu tơmối khoh châ ngăn, châ hlo, châ ‘nâi [ă hlê ple\ng hên tâ nếo ‘na tơdroăng rêh kâ ối tiô mơhno túa le\m tro dêi Tây Nguyên.

A Ngưi đi đo mơdoh chôu vâ tí tăng lăm rôe mâu tơmeăm, chêng koăng, hmôu jiâ vâ mơhno tơbleăng ăm tơmối

Vâ chiâng pêi pro mâu tơdroăng ki kố, A Ngưi ôh tá la lâi pơtê hriâm mâu ngế hiăng hmâ ôm hyô. Ki rơhêng vâ tối athế tăng troăng vâ pơtối mơnhông mơjiâng mâu kế tơmeăm dêi hdroâng Bơhnéa, rế châ tơ’mot tơmối mot ôm hyô, rế châ pêi lo liăn ngân hên há. Ki rơhêng vâ tối, ôh tá chiâng lôi túa homestay dêi tơná chiâng tơdroăng ki mơdró kâ lối ó, tơmot mơngế tơmối la ôh tá chiâng pêi pro tiô túa mơdró kâ kho\m châ pêi lo to liăn ngân. Hâi ki apoăng pro mơjiâng homestay nah, ngoh A Ngưi xuân trâm hên tơdroăng ki pá puât, xua on veăng, rơpo\ng hngêi ôh tá vâ môi tuăn.

Ngoh A Ngưi tối: ‘’Rơpo\ng á ôh tá hâi ‘nâi nhên homestay ga cho ki klâi, drêng tâng tối ‘no liăn mơjiâng pro mê mâu ngế tung rơpo\ng hngêi ôh tá ai kơbố vâ. La [ă hiâm tuăn hâk vâ khât [ă vâ mơhno túa le\m tro dêi hdroâng kuăn ngo vâ tối tơbleăng ăm rêm ngế ‘nâi, ing mê, hiăng pro á khoh athế pêi pro. Riân troh mơ’nui hơnăm 2019, kơxo# mơngế tơmối lăm troh ôm hyô homestay mê vâ chê 2 rơpâu ngế tơmối tung tơnêi têa pin [ă kong têa ê troh mot ngăn’’.

Hên hơnăm hiăng luâ, A Ngưi hiăng rơtế [ă khu kăn cheăm hnê hriâm [ă rak vế to\n chêng tơgôu koăng a cheăm Kông Lơng Khơng

Cho ngế ki cheăng tung tíu xiâm mơhno túa le\m tro dêi tơring K[ang, ngoh A Ngưi hiăng ‘nâi nhên mâu khôi túa, vêa vong dêi hdroâng kuăn ngo tơná, [ă ‘nâi nhên ki kơnía git dêi hdroâng kuăn ngo Bơhnéa. Hdrối vâ po homestay kố nah, ngoh A Ngưi hiăng krếo thế mâu khu to\n chêng, tơgôu koăng, kơhnhon xuâng kân ku\n dêi pơlê, mâu khu ki pế pơchên hmê kơchâi, te\n hmôu, rơmoăng, mâu ngế ki hơ’muăn hdrôu, rơngê rơngối vâ mơđah, kum veăng ăm mâu tour ôm hyô [ă pơtê pơto a kơmăng.

Ngoh ối đi đo hmâ lăm troh a pơlê vâ mơhnhôk kuăn pơlê păn chu, í, pế drôu xiâm, vâ drêng la lâi ai tơmối mot ôm hyô mê kô ai hlâu kế tơmeăm vâ ăm tơmối. Troh nôkố, rêm hdroh tơmối lăm pôu ôm, maluâ ôh tá tối pơtâng hdrối hâi khế la ngoh xuân ai tu\m tơmeăm khoăng vâ kum ăm tơmối. Chu í, drôu xiâm tâi tâng mâu tơmeăm ki mê hiăng pơrá ai tu\m tung hngêi trăng dêi kuăn pơlê, ôh tá xâu ti ai klâi.

Pơlê Kgiang dế kố ai 140 rơpo\ng, tâi tâng cho hdroâng Bơhnéa. Kơnôm ai tơdroăng veăng kum mơhnhôk dêi A Ngưi vâi pơrá veăng pêi pro tơdroăng ôm hyô. Sap ing po homestay dêi ngoh A Ngưi, tơdroăng rêh ối, hiâm tuăn loi t^ng dêi hdroâng kuăn ngo akố rế hía thăm rế châ mơnhông tơtêk hên khât. Drêng ai tơmối mot ôm hyô, vâi ki mê thăm rế châ mơnhông dêi tơdroăng ki khoh hlê rơkê ple\ng, vâi kô rơngêi ting ting, kơhnon xuâng. Kơnôm ing tơdroăng ki hơ’muăn hdrôu, rơngê rơngối, vâi ki mê xuân pêi lo tơ’nôm liăn ngân vâ ăm dêi rơpo\ng hngêi tơná. Ti xê to tiah mê, A Ngưi ối pâ vế, kơnôm tơngah mâu ngế hơnăm hiăng krâ dêi pơlê hnê to\n chêng tơgôu koăng ăm vâi hdrêng tung pơlê. A Ngưi pói rơhêng vâ, hiăng cho kuăn cháu dêi hdroâng Bơhnéa mê athế ‘nâi to\n chêng tơgôu koăng.

Pôa Đinh Blich, Krâ pơlê hdroâng Bơhnéa ai tối: ‘’Sap ing hâi ai A Ngưi pro ôm hyô akố, mâu tơdroăng mơhno túa le\m tro, khôi túa, vêa vong dêi hdroâng Bơhnéa akố thăm rế châ mơdêk hên tâ. Kơnôm ai A Ngưi mê hên ngế kuăn pơlê thăm rế pêi lo liăn ngân, veăng kum kơdroh mâu tơdroăng ki xahpá ‘na pêi cheăng kâ, tơdrêng amê, ối mơhno túa le\m tro dêi hdroâng kuăn ngo tơná’’.

‘Na mâu tơdroăng pơkâ la ngiâ, mơnhông mơdêk tung xo ah hmôi, ngoh A Ngưi tối: ‘’Hơnăm 2020 kô mơjiâng tơ’nôm 4 to kơbong koi tơdâng [ă hngêi ăm tơmối pơtê pơto ối ai 2 hơlo\ng. Kơxo# liăn ki vâ mơ’no pêi pro tơdroăng mê vâ chê 1 rơtal liăn, vâ kum ăm tơmối châ ôm hyô, pơtê pơto. Á xuân pói rơhêng vâ ai tơ’nôm hên ngế ki veăng pêi, ki rơhêng vâ tối cho mâu pú sinh viên hơnăm ối nếo ki hâk vâ ‘na ôm hyô vâ pêi pro tiô mâu troăng hơlâ ki mơnhông ôm hyô tung pơlê pơla, vâ mơhno túa le\m tro dêi hdroâng kuăn ngo tơnná troh ăm tơrêm ngế tung lâp pơlê pơla, tơnêi têa.

Diệu Hà rah chêh ing https:/dulich.dantri.com.vn

Nhat Lisa tơplôu [ă tơbleăng