Hriâm pro mâu tơmeăm xúa tung hngêi trăng klêi mê hlối hriăn hriâm ‘na pro pơxúa ăm atiso:

Hiăng hriâm klêi đăi hok kơvâ cheăng vê hdró pro tơmeăm khoăng xúa tung hngêi trăng, klêi kơ’nâi 3 hơnăm pêi cheăng tê mơdró ‘na hngêi trăng, tơnêi tơníu a pơlê kong kân Hồ Chí Minh, apoăng hơnăm 2018. Trần Minh Tuấn pơkâ vêh a Đà Lạt rơtế [ă dêi nôu pâ hiăng pêi cheăng to lâi hơnăm kố, mê cho, pêt atiso tiô troăng hơlâ rơtế hlối pro tơmeăm tê ăm tơmối troh ôm hyôu. Ngoh hiăng châ nôu pâ pơcháu ăm 4.000m2 tơnêi vâ pêt xêh loăng plâi kơchâi reăng tiô túa tơná vâ pêi.

Djâ ngin prôk ngăn drô deăng pêt atiso, Tuấn tối: ‘’Mơhé châ pơcháu ăm tơnêi pêi xêh, la á xuân ối pêt loăng atiso ki nôu pâ a hiăng hmâ pêt lối 10 hơnăm kố. Ôh tá xê to tiah mê, hlo pơxúa hên ‘nâng pêt atiso mê a hiăng pơkâ pêt hdrê loăng ki kố, xo dêi tâi tâng sap ing xiâm troh a kối’’. Tơdroăng kố tơkéa vâ tối, sap ing pêt ta troh drêng hiăng tâi môi rơnó pêt, mơngế ki pêt kô châ xo dêi tâi tâng reăng, hlá, kông, rêi dêi loăng ki mê.

Trần Minh Tuấn rak ngăn kơdrum atiso

‘’Tơmeăm ki pêi lo, rơpo\ng á ai péa tơdroăng pêi pro vâ ăm troh a kơpeăng ko\ng mơngế ki xúa. Má môi, a tê ăm mâu ki hmâ lăm rôe vâi troh rôe a kơdrum, ki ‘nâ rơpo\ng hngêi djâ tê a kơchơ tê ăm tơmối ki troh ôm hyô. Má péa, tơbleăng tung trang fanpage dêi tơná, a tơbleăng ăm tơmối ki ôm hyô troh xup um [ă hlối rôe reăng atiso a kơdrum mê’’ – ngoh Trần Minh Tuấn ai tối tiah mê.  

Atiso cho loăng ki pêt plâ hơnăm, xua mê, Tuấn hiăng xúa túa pêt tơ’nôm a kơdrum dêi tơná. Pak^ng mê, tơdroăng ‘’xo ‘nâi păn xo\n‘’ hiăng kum ăm ngoh châ xo tơ’mot liăn tơniăn rêm hơnăm.

Hriăn pro xêh pơkeăng kơdê ôa hdrong sinh học vâ xôh a loăng atiso:

Nếo klêi pôe dêi mâu reăng atiso tung kơdrum, Tuấn hlối tối tơdroăng ki tơná ‘’tăng liăn’’. Drêng hiăng tâi môi rôh mê a rơnó rơxăm, a pơchoh hlối tơnêi mê. Tơnêi hiăng châ pơchoh klêi mê, pro ăm gá tơdrăng, klêi mê nếo, a xo puâ xế vâ tah êak krêng tơvât tơ’nôm phon lân vâ pro phon ki rơvât hdrối, klêi mê pơtối pơchoh tơnêi pá môi hdroh nếo. 

Pơtối mê, cho pro ‘noăng tung deăng mê ăm dâng 50cm. Hmâ hlo, rơpo\ng hngêi á pêt môi rôh hơpê lu\m ki prâp pơla péa pâ troăng tơdrêng [ă rôh pêt atiso vâ tăng tơ’nôm kơxo# liăn pêi lo.

Drêng hiăng klêi po tơnêi, Trần Minh Tuấn kô pêt hdrối môi roh hơpê lu\m. Drêng hơpê lu\m hiăng châ dâng 2 khế, ngoh pơtối klâ xoăng ki kơtăn vâ mơdâ hdrê atiso. Hơpê lu\m prâp hiăng klêi xo dêi, reăng atiso pơxiâm tơpo há.

Tung pơla hâi teăm xo hơpê lu\m prâp, ngoh Tuấn kô ôh tá rơvât phon ăm atiso xua gá hiăng châ hrik xo phon drêng rơvât ăm hơpê lu\m. Xua mê, tung pơla hiăng klêi hnêi xo dêi hơpê lu\m, ngoh nếo rơvât phon.

Tung pơla tơkôm reăng atiso kân vâ pôe mê ai tơ’nôm môi tơdroăng ki pơxúa nếo, cho hnêi hlá loăng pro hlá chếi. Hmâ hlo 2 măng t^ng a kô hnêi hlá môi hdrôh, hlối ai chế, hlối kum ăm xiâm loăng châ bâ phuâng, ôh tá tro kơmeăn  kâ. Drêng hnêi hlá loăng atiso, a kô tah peăng hlá, bú xo to rơmôe tê, djâ vêh ăm kơmăi po ku ku\n klêi mê têng pro hlá chếi’’ –Trần Minh Tuấn ăm ‘nâi ti mê.

Malối, [ă tơdroăng hriăn ple\ng, tí tăng hriâm xêh, Tuấn hiăng xúa pơkeăng sinh hok vâ kơdê ôa hdrong a loăng atiso.

Túa pơkeăng kố châ ngoh hriăn pro ing toih, kía, hăng [ă drôu.

Tuấn ăm ‘nâi: Túa pơkeăng mê gá krúa [ă ôh tá vâ [ă kơmeăn ki lơ hmâ kâ ‘nhiê loăng atiso. Á hmâ ‘no dâng 300.000 liăn rôe hăng, toih, kía djâ troh a hngêi uâ hrêi klêi mê tâm [ă drôu. Drêng troh rơnó mêi, xuân cho drêng pơreăng kơmeăn xông kâ ‘nhiê, a xôh tiô rơnó, rêm rôh xôh kơtăn dêi rơpó sap ing 5  troh 7 hâi. {ă môi kơ-[in têa pơkeăng túa 16 lit, a hơ’lâk [ă 75cc têa pơkeăng sinh hok ki a pro xêh. Drêng hiăng vâ troh hâi hnêi xo dêi tơmeăm ki pêt mê, a pơtê xôh pơkeăng hdrối mê ai dâng 10 hâi vâ tơniăn ăm ivá drêng xúa.

{ă lối 4.000m2 tơnêi pêi chiâk deăng dêi rơpo\ng hngêi, Tuấn pêt nếo atiso, rêm hơnăm châ xo dâng 300 rơtuh liăn ôh tá riân kơxo# liăn ‘no mơhá hnoăng vâi pêi, rôe ki kố ki mê, ngoh ối châ hnêi xo dêi loăng ki ku\n ing xiâm loăng kân vâ tê ăm mâu kơdrum ki ê [ă yă 8.000 liăn môi xiâm.

Văn Long - Huệ rah chêh

Gương tơplôu [ă tơbleăng