VOV4.Sêdang - Kơxo lơ 11/7, Khu xiâm ngăn pơkeăng pơlât xua pôa Đỗ Xuân Tuyên, Ngế xiâm phŏ pro ngế xiâm pơkuâ djâ khu kăn lăm pêi cheăng ƀă Khu hnê mơhno cheăng hbrâ mơdât pơreăng COVID - 19 a kong pơlê Dak Lak ‘na tơdroăng hbrâ mơdât COVID -19 a kong pơlê. Riân troh hâi lơ 11/7, kong pơlê Dak Lak hiăng ai 7 ngế tâ COVID -19 , tung mê ai 4 ngế hiăng pơlât prêi. Mâu ngế ki dế pơlât a Dak Lak tơdjâk troh tíu tâ tú pơreăng a Đà Nẵng, Bắc Ninh ƀă pơlê kong kân Hồ Chí Minh. Dak Lak dế klâ krê a hngêi pơkeăng, klâ krê tơchoâm 139 ngế, klâ krê a hngêi vâ chê 9 rơpâu ngế.

Pôa Đỗ Xuân Tuyên, Ngế xiâm phŏ ngăn pơkeăng pơlât khĕn kơdeăn tơdroăng cheăng ‘nâi hbrâ rơnáu pơreăng dêi kong pơlê Dak Lak

‘Na ivá cheăng lăm tăng mâu ngế ối achê mâu ki tâ tú, nôkố Dak Lak hiăng mơjiâng 280 đô̆i cơ động hbrâ mơdât pơreăng tâ tú rêm râ. A rôh tơpui ai pêi cheăng, pôa Đỗ Xuân Tuyên, Ngế xiâm phŏ ngăn pơkeăng pơlât khĕn kơdeăn tơdroăng cheăng ‘nâi hbrâ rơnáu pơreăng dêi kong pơlê Dak Lak tung pơla hdrối kô hiăng nah; tơtrŏng kong pơlê tơring hbrâ rơnáu mâu ngế, malối cho mâu ngế pêi cheăng, tíu ối, tơmeăm vâ hbrâ mơdât pơreăng lơ tâ tú rơ-iô tung la ngiâ.

Gương tơplôu ƀă tơbleăng