VOV4.Sêdang - Tiô tơdroăng ăm ‘nâi sap ing Học viện Quân y (Khu xiâm pơkuâ ngăn pơkeăng lêng), klêi kơ’nâi klêi pâk trum má 2 ăm 1 rơpâu ngế ki mơhnŏng ăm pâk rôh má 3a, kơxo lơ 27/7, mâu tíu xiâm ki veăng hriăn ngăn pâk mơnúa vaccine Nano Covax hbrâ mơdât COVID-19 hneăng má 3 tơbleăng pâk mơnúa ngăn trum má2 ăm 12 rơpâu ngế ki mơhnŏng ăm pâk xêh ối tung rôh má 3b. Hdrối tơbleăng pâk mơnúa ngăn, mâu ngế ki mơhnŏng ăm pâk athế tối dêi ivá, khăm séa ngăn mâu tơdroăng vâ pêi pro tro tơdroăng ki rơhêng vâ châ pâk ‘na ivá.

Hdrối mê, 13 rơpâu ngế ki mơhnŏng ăm pâk rôh má 3a hiăng pâk klêi trum pâk mơnúa ngăn ki apoăng vaccine Nano Covax a hâi lơ 14/7; klêi mê, 1 rơpâu ngế ki mơhnhŏng ăm pâk ai ivá tơniăn, ôh ti hlo tơdroăng klâi. Hâi lơ 15/8 la ngiâ, tiô tối hdrối mâu tíu pêi cheăng kô pâk klêi trum má 2 dêi tá hneăng má 3.

Katarina Nga tơplôu ƀă tơbleăng