Yă tê mâu kế tơmeăm pêi lo ing chiâk deăng, pêt loăng, păn ká xi xŏng, pêt kong tiô yă tê môi tiah nôkố vâ chê 33,7 rơpâu rơtal liăn, tâk vâ chê 22% tâng vâ pơchông ƀă khế kố hơnăm hdrối.

A rôh hôp mơgêi hnoăng cheăng 6 khế apoăng hơnăm pơla hdrối kố nah, Khu ngăn chiâk deăng ƀă Mơnhông thôn pơlê kong pơlê Dak Lak tơkŭm tơpui tơno mâu troăng hơlâ ki ai tơdjâk troh túa pơkâ hnoăng cheăng dêi kơvâ, tung mê, tơkŭm tung tơdroăng krí sầu rêng hơnăm 2024, hnoăng cheăng pơkuâ ngăn, rak vế ƀă pêt kong, mơdêk rơdêi tơrŭm pêt mâu hdrê loăng tiô tơdroăng ki kơnía, mơnhông tiô tơdroăng mơnhên.