Tiô tơbleăng dêi Khu pơkuâ ‘na chiâk deăng mơnhông thôn pơlê dêi kong pơlê Dak Lak, hơnăm 2022, tâi tâng ki kơnâ dêi tơmeăm pêi lo ing chiâk deăng, loăng pơlái kong kế, ká xi xŏng châ lối 21.200 rơtal liăn, tâk 5,6% tâng pơchông ƀă hơnăm hdrối, hên tâ 1,8 xôh tâng pơchông ƀă tơdâng lâp tơnêi têa. Pêi lo liăn ngân tê tơmeăm khoăng ngi kong têa ê dêi kong pơlê châ 1.300 rơtuh dollars Mih.

Ki kơnâ pêt mơjiâng tơmeăm dêi kơvâ pêi chiâk deăng châ lối 40% tâi tâng ki kơnâ tơdroăng cheăng kâ kong pơlê. Hơnăm 2023, kơvâ pêi chiâk deăng kong pơlê Dak Lak mơ-eăm tâk vâ chê châ 5% ki kơnâ tâi tâng tơmeăm pêi lo ing chiâk deăng, loăng pơlái kong kế, ká xi xŏng tâng pơchông ƀă hơnăm 2022. Vâ châ tiô pơkâ kố, kơvâ pơtối po rơdâ pêi pro hên troăng vâ mơdêk ki kơnâ tơmeăm pêi lo ing chiâk deăng, tung mê tơtrŏng mơjiâng kơpong pêt mơjiâng tơmeăm tơkŭm ƀă mơhnhôk mơ’no liăn cheăng tung kơvâ mơjiâng pro kế tơmeăm khoăng trâu hơhngế.