Dak Lak nôkố ai 803 Khu pêi cheăng tơrŭm, tơ’mot dâng 71 rơpâu ngế ƀă 23 rơpâu ngế pêi cheăng rêm hâi. Kơxô̆ liăn pê lo riân rêm khu pêi cheăng tơrŭm châ dâng 1 rơtal 800 rơtuh liăn/hơnăm. Mâu Khu pêi cheăng tơrŭm cheăm, tôh pêi cheăng tơrŭm a kong pơlê hiăng pơxiâm rơtế ai pơxúa, khu pêi cheăng tơrŭm ƀă mâu khu mơdró ƀă pơtối pêi ai pơxúa.

Tiô pôa Hùynh Bài, Kăn hnê ngăn Khu pêi cheăng tơrŭm kong pơlê Dak Lak nôkố, vâ mâu khu pêi cheăng tơrŭm mơnhông tơƀrê, tung la ngiâ mâu kăn rêm râ kal ai luât pơkâ tŏng kum mâu khu pêi cheăng tơrŭm tah ki xơpá, mơnhông pêi chiâk.  Pakĭng mê, kơhnâ veăng kum Khu pêi cheăng tơrŭm tung mơhnhôk tê mơdró, tơbleăng tơmeăm, tơrŭm pêi chiâk, uâ pơliê kế tơmeăm, ki tơ’lêi hlâu tơrêm kơpong, tơrêm cheăm tơring.