Kơxê lơ 9/11, Vi ƀan tơring Krông Năng, kong pơlê Dak Lak tơkŭm po leh tê ngi kong têa ê lô pơ’leăng plâi mắc ca chĭnh ngăch apoăng troh a kong têa Nhuk. Lô pơ’leăng mắc ca tê ngi kong têa ê tiô troăng chĭnh ngăch apoăng a kong têa Nhuk ƀă kơxô̆ lối 6 tâ̆n châ pêt a tơring Krông Năng, kong pơlê Dak Lak. Tơmeăm kố hiăng tơkâ hên troăng séa ngăn dêi kơ koan cheăng péa tơnêi têa ƀă mơdât ‘na kuăn kiâ kâ ‘nhê, mơgrúa lĕm tơmeăm, tơdroăng kơxuô ƀă ti tăng xiâm kối.

Xông tơpui a roh leh, pôa Lưu Văn Khôi, Kăn pơkuâ Khu pơkuâ Kơmăi kơmok tê mơdró kong pơlê Dak Lak tối ăm ‘nâi, tơdroăng pơ’leăng plâi mắc ca châ tê ngi kong têa ê tiô troăng chĭnh ngăch a kong têa Nhuk po roh tơ’’lêi  ăm pơ’leăng ki kơhiâm kố dêi Dak Lak châ tê a mâu kong têa kơpong châu Á ƀă lâp plâi tơnêi.