VOV4.Xơ Đăng - Nôkố tiu dế mot tung rơnó krí, laga mơngế pêt tiu a Dak Lak ôh tá phiu ro xua hơnăm kố tiu châ yă laga ôh tá ai plâi kơpâu hên. Môi tiah rơpŏng ngoh Võ Văn Quỳnh ối a ƀuôn Ta Ra, cheăm Hòa Đông, tơring Krông Păč, kong pơlê Dak Lak, a rơnó krí kố thế krếo phôn lâp lu vâ tăng mơngế krí. Xua pơreăng COVID-19 xông tâ tú ó xua mê tơdroăng mung mơngế krí cho pá puât, yă krí 220.000 liăn/1 hâi.

Tiu châ yă laga pêi lo ôh tá châ hên pro mơngế pêt ôh tá phiu ro hên

Ki ê nếo, rơnó hơnăm kố tiu plâi ôh tá kơtốu hên, pêi lo kơdroh châ tơdế xua mê yă tiu dế a kơlo kơpêng kơdâm 80 rơtuh môi tâ̆n, châ rơkâ xuân ôh tá châ hên to lâi. Tiô xêo ngăn dêi Khu pơkuâ ngăn ‘na pêi chiâk deăng ƀă mơnhông mơdêk thôn pơlê kong pơlê Dak Lak, nôkố lâp kong pơlê ai lối 33.100 ha tiu ƀă kơxô̆ pơ’leăng tiu vâ chê 77.000 tâ̆n. Tung pơla kố nah, kơvâ pêi chiâk deăng hiăng pơchân tối kuăn pơlê ôh tá po rơdâ ƀăng deăng pêt tiu, tơkŭm pêt tiu tiô troăng krá tơniăn.

A Sa Ly tơplôu [ă tơbleăng