VOV4.Xơ Đăng - Hbrâ mơdâ pêt báu tro rơnó, xúa têa tơtro mê tơring Ea Kar, kong pơlê Dak Lak dế rak tơniăn ăm tơdroăng xông kân dêi mâu loăng plâi tung pơla rơnó tô mơdrăng. Tiô Ƀơrô ngăn chiâk deăng - mơnhông mơdêk thôn pơlê  thôn Ea Kar, lâp tung tơring ai dâng 50 rơpâu ha loăng kal thế tôh têa. Tung mê ai 9.500 ha báu dế xôk, vâ chê 6.600 ha kơphế dế vâ kơ’muăn reăng.

Ƀă tơdroăng ‘nâi hbrâ ‘nâi kơdĭng têa tung tôh ing 20 to rơchoâ, long têa ing hâi apoăng rơnó, Nguyễn Tiến Sĩ, Ngế pơkuâ Kŏng ti pêi ngăn rơchôa tơring Ea Kar ăm ‘nâi, Tíu pêi cheăng kố dế pro tơniăn ăm bê têa tôh loăng plâi tung pơla nôkố ƀă kô ôh tá ăm ai tơdroăng ôh tá bê têa toh a mơ’nui rơnó.

Gương tơplôu ƀă tơbleăng